Gjeli i detit është një karakteristikë e darkës së fundvitit në Shqipëri. Nuk mund ta mendojmë tryezën pa pasur në mes të saj mishin e pjekur të gjelit të detit. Ne e kemi pjekur shumë thjesht, veç me kripë e gjalpë, pa shtuar erëza të tjera, por nëse dëshironi mund ti shtoni piper ose ta mbushni me arra.
Gjel deti i pjekur
Sasia: 6 persona
Kalori: 190kcal
Përbërësit
- 1 gjel deti rreth 7-8 kg
- 150 gr gjalpë
- kripë e trashë
Përgatitja
- Pasi e kemi pastruar e larë mirë mishin e gjelit të detit e vendosim mbi një tavë të madhe. Vendosim një palë dorashka e fillojmë ta lyejmë komplet mishin me gjalpë, e fërkojmë ngadalë. Më pas i hedhim edhe kripën duke pasur kujdes që ta spërkasim gjithë mishin me kripë.
- Tavën me gjelin e detit e vendosim në furrë të nxehtë 250°C përreth 30 minuta. Pasi e shohim që mishi është i skuqur sipër, e nxjerrim tavën nga furri dhe e kthejmë gjelin nga ana tjetër. E lemë të skuqet edhe nga kjo anë.
- Më pas i shtojmë dy gota uji dhe e mbulojmë tavën me letër alumini. Ulim temperaturën e furrit në 180-200°C dhe vendosim tavën në të. E lemë mishin të piqet përreth 3 orë. Herë pas here mund ta lagni me pak ujë të ngrohtë.
- Pasi mishi është pjekur komplet fikni furrën dhe lëreni mishin të pushojë pak në të. Më pas e vendosim në tavë dhe e shërbejmë të ngrohtë.
Notes
Ju bëftë mirë dhe Gëzuar nga Artigatimit.com!
Na ndiqni në Instagram @ArtiGatimit dhe vendosni tag #artigatimit recetat që gatuani!
1 Comment
Komento nga Facebook!