Embëlsira
Shkruaj një koment

Si të përgatisim Kek me luleshtrydhe

Përgatitja: 15 min - Pjekja: 35 min - Sasia: 4 Persona

Receta për kek me luleshtrydhe është shumë ë thjeshtë për tu përgatitur. Shija delikate majhoshe e luleshtrydheve jep një flagrancë ëmbëlsirës tonë. Përbërësit duhet të jenë të freskët, ja receta jonë.

Përbërësit për Si të përgatisim Kek me luleshtrydhe


  • 500 gr luleshtrydhe

  • 3 kokrra vezë

  • 200 gr sheqer

  • 125 ml kos

  • 50 gr gjalpë

  • 250 gr miell

  • 1 lugë gjelle lëng limoni

  • 10 gr pluhur fryrje për ëmbëlsira

  • pak vanilje

  • lëkurë limoni

  • sheqer pluhur


Përgatitja e luleshtrydheve

Luleshtrydhet i pastrojmë nga bishti dhe i lajmë në ujë të rrjedhshëm. Një pjesë i presim në formë gjatësore për ti vendosur sipër kekut dhe i spërkatim me lëng limoni dhe pak sheqer. Pjesën tjetër e presim kubik për ti hedhur në brumë.

Hapi i dytë, përgatitja e brumit për kek me luleshtrydhe.

Në një enë qelqi, rrahim me rrahësin elektrik të verdhat e vezëve së bashku me sheqerin, për gati 10 minuta. Shtojmë më pas kosin, lëkurë limoni, lëngun e limonit dhe gjalpin e shkrirë.
Në një enë tjetër rrahim të bardhat e vezëve sa të bëhen marengë dhe për momentin në frigorifer.
Tek të verdhat e vezëve shtojmë miellin të përzier me pluhurin për ëmbëlsira dhe vaniljen. Masën për kek me luleshtrydhe e trazojmë me anë të një shpatulle. Hedhim në të edhe të bardhat e vezëve dhe i trazojmë me kujdes nga poshtë lartë. Sapo të jetë formuar një masë homogjene, hedhim luleshtrydhet e prera kubik, të spërkatura me pak miell.

I trazojmë dhe e hedhim brumin në tavën e lyer me pak gjalpë. Me përmasat e dhëna për këtë kek me luleshtrydhe duhet një tavë me diametër 24 cm. Sipër radhitim luleshtrydhet që premë në formë gjatësore.

Tavën për kek e futim në furrë të para ngrohur në 180°C për 35 minuta. Pasi keku me luleshtrydhe piqet e lemë në furrë të fikur edhe 10 minuta.

Kek me luleshtrydhe është gati, e presim në feta dhe nëse dëshirojmë e shërbejmë me pak sheqer pluhur sipër.

Ju bëftë mirë!

Mos lini pa lexuar receta për kek me qershi, kek me karrota apo kek me kos.

Lini një Përgjigje

Your email address will not be published. Required fields are marked *


Komento nga Facebook!

Shkruani komentin tuaj - Komente