Supa krem me brokoli është një pjatë e shëndetshme, e shijshme dhe e lehtë për tu gatuar. Kjo supë është ideale për vegjetarianët, por edhe për fëmijët që zakonisht nuk ju pëlqejnë perimet.
Supë krem me brokoli
Sasia: 0
Përbërësit
- 500 gr brokoli
- 1 qepë e bardhë ose 1 të bardhë preshi
- 2 patate
- 2-3 lugë vaj ulliri
- pak kripë
- pak piper të bardhë
- 1 degë rozmarinë
- 1 degë trumzë
- feta buke të thekur për ta shoqëruar supën
- djathë të butë për shoqërim
Përgatitja
- Si fillim lajmë mirë brokolit dhe i ndajmë degëzat.
- Qërojmë e lajmë edhe qepën ose preshin dhe e grijmë në copa të vogla. E hedhim në një tenxhere ku kemi shtuar vaj ulliri. E kavërdisim pak e më pas shtojmë patatet e brokolit.I trazojmë mirë. Shtojmë ujë ose brodo vegjetale ( rreth 700 ml) derisa të mbulohen perimet. I hedhim pak kripë dhe pak rozmarinë të grirë hollë. E lemë të ziejë përreth 30 minuta me zjarr të ulët duke e mbuluar tenxheren me kapak.
- Më pas me anë të një mikseri elektrik i grijmë direkt në tenxhere perimet duke e bërë masën si krem. Shtojmë pak trumzë sipër kremit dhe e trazojmë. Ndërkohë thekim pak bukë dhe e presim në copa kubike të vogla. Hedhim supën krem me brokoli në pjata dhe e servirim të ngrohtë me copa buke të thekur sipër e me pak vaj ulliri.
- Sipas dëshirës mund të vendosni edhe nga një lugë djathë të butë për shoqërim. E shijojmë supën krem me brokoli menjëherë.
2 comments
supa eshte vertet e mir .
a mund te me tregoni nje embelsire qe shoqerohet me te.?
flm
po me leshon goja leng sa e mir bravo ju lumshit duart