Supë krem me lulelakër

Nerti
  • 22/10/2019
Supa me lulelakër është një pjatë e parë e shijshme, e lehtë dhe e shëndetshme. Lulelakra është një perime tipike e stinës së ftohtë të dimrit. Me të mund të përgatisim shumë receta të shijshme. Në këtë recetë ne e kemi përgatitur supë krem e cila është shumë e mirë edhe për fëmijët.

Supë krem me lulelakër

Sasia: 0

Përbërësit

  • 400 gr lulelakër
  • 300 gr patate
  • 2 copë presh
  • 1 qepë e vogël
  • pak kripë
  • pak piper
  • pak arrë moskat
  • 2-3 gjethe sherebele
  • 1 degëz rozmarine
  • 30 gr gjalpë
  • pak vaj ulliri

Përgatitja

  • Si fillim lajmë e pastrojmë preshin, qepën e lulelakrën. Qërojmë patatet dhe i presim në copa të vogla.
  • Në një tenxhere hedhim gjalpin dhe e vendosim në zjarr. Shtojmë qepën dhe preshin e grirë. Kur të jenë zbutur pak shtojmë patatet dhe lulelakrën në copa. I trazojmë mirë e më pas shtojmë ujë derisa ti mbulojmë të gjitha perimet. I hedhim kripë, piper, arrë moskat dhe gjithë erëzat. I trazojmë përsëri, e mbulojmë tenxheren me kapak dhe e lemë të ziejë përreth 35-40 minuta.
  • Kur të jenë zier mirë të gjitha perimet, e frulojmë supën me mikser derisa të arrijmë një krem homogjen. E hedhim supën krem nëpër pjata. E shërbejmë të ngrohtë me copa buke të thekur e me pak vaj ulliri dhe majdanos të grirë sipër.

Notes

Përgatitja

Ju bëftë mirë nga ArtiGatimit!

In this article:
,,,,,
0 Shares
WhatsApp 0
Facebook 0
Facebook Messenger 0
X (Twitter) 0
Pinterest 0
Mail 0
Post written by:
E pasionuar pas kuzhines shqiptare dhe asaj te huaj, sjell për ju përmbledhje me receta gatimi.
Follow
7 comments
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Supë me mish lepuri

Supa me mish lepuri është e lehtë dhe e shijshme. Mishi i lepurit rekomandohet të konsumohet jo vetëm nga të rriturit por edhe nga fëmijët. Kohët e fundit në fshatrat e Shqipërisë, lepuri i butë ka filluar të shtohet për plotësimin e nevojave familjare.
0 Shares
0
0
0

Qofte me spinaq

Qoftet me spinaq janë shumë të mira për ata që dëshirojnë një pjatë të thjeshtë e të shijshme. Receta e këtyre qofteve është e thjeshtë dhe nuk kërkon shumë kohë. Këtë pjatë mund ta shoqërojmë me perime të ndryshme, sallata ose thjesht mund ta shijojmë edhe në momentin e aperitivit. Kjo recetë është dhe një mënyrë e mirë për të bërë fëmijët të hanë perimet që janë të fshehura në qofte.
0 Shares
0
0
0

Byrek i mbushur në formë lule

Receta e këtij byreku na ka ardhur nga një lexuese e rregullt e faqes tonë, Edona të cilën e falenderojmë. është me të vërtetë një byrek jo vetëm i shijshëm por edhe i bukur në pamje. Mund ta shërbejmë mbasdite për fëmijët ose për një aperitiv me miqtë. Jam e sigurt që të gjithë do të ngelen të kënaqur nga ky byrek. Në këtë rast ne e kemi mbushur me djathë e gjizë, por gjithsecili mund ta mbush sipas dëshirës e fantazisë.
0 Shares
0
0
0