Krem bizele është një pjatë e parë shumë e shijshme dhe shije delikate. Kjo supë krem bizele mund të përgatitet edhe me bizele të ngrira, por gjithmonë ju këshillojmë të përdorni perimet e stinës.
Krem bizele
Sasia: 2 persona
Kalori: 210kcal
Përbërësit
- 250 gr bizele
- 1 qepë e thatë
- 1 qepë e njomë
- 1 kokërr patate
- majdanoz
- kopër
- kripë
- 20 gr gjalpë
- lëng perimesh
- vaj ulliri
- fara susami
- 1 fetë bukë
Përgatitja
- Përgatitja e krem bizele është shume e thjeshtë. Lajmë e pastrojmë perimet, qepët dhe patatet i presim në kubik. Qepët i kaurdisim pak sa të zbuten në një enë me vaj ulliri dhe pak gjalpë.
- Më pas shtojmë bizelet, patatet, kripën dhe 600 ml lëng perimesh. Perimet i lemë të ziejnë për gati 20 minuta.
- Pasi perimet kanë zier shtojmë erëzat. Perimet i heqim nga zjarri dhe i kthejmë në krem me një mikser dore. Duhet ti grijmë sa të bëhet një masë kremoze.
- Krem bizele është gati, e shërbejmë të ngrohtë. Sipër mund të shtojmë fara susami dhe disa copëza buke të thekur.
Receta për supë me peshk, supë me finok ose karota kremoze.
Ju bëftë mirë nga Arti Gatimit!
