Një recetë verore fantastike, akullore me luleshtrydhe e kos përgatitur në shtëpi. Akullore shumë e butë dhe shija e freskët e luleshtrydheve të bëjnë për vetë. Duhet ta provoni këtë recetë për akullore te bere në shtëpi.

Përbërësit për Akullore me luleshtrydhe dhe kos

• 400 gram kos i bardhë


• 250 gram luleshtrydhe


• 3 lugë gjelle shurup glukozë


• 1 lugë gjelle mjaltë

Përgatitja e akullores

Pastrojmë luleshtrydhet dhe i hedhim në një mikser kuzhine. Luleshtrydhet e bluara i hedhim në një enë ku bashkojmë shurupin. I përziejmë dhe më pas shtojmë dhe kosin e mjaltin. I trazojmë mirë për 2-3 minuta. E gjithë masa duhet të rezultojë homogjene.

Nëse kemi një makineri për akullore e hedhim masën në të dhe e punojmë për disa orë.

Në rast të kundërt, enën e mbyllim me kapak dhe e vendosim në frigorifer për 4-5 orë.

Por gjatë kësaj kohe akullore me luleshtrydhe duhet ta trazojmë gati 3 herë. Ngrirja do të bëhet në mënyrë të njëtrajtshme. Pas kësaj kohe akullorja është gati për tu servirur.

Shërbejmë akulloren me luleshtrydhe e kos në kupa, dhe sipër shtojmë ndonjë gliko qershie.

Ju bëftë mirë nga Arti Gatimit