Këto biskota akullore janë ideale për ditët e nxehta verore. Akullore me panna kremoze të mbyllura në dy biskota të buta. Për shijen kemi zgjedhur akullore vanilje dhe manaferra.
Biskota Akullore + Foto Recetës
Kalori: 230kcal
Përbërësit
- 250 ml panna
- 60 gr sheqer
- 2 të bardha veze
- 20 biskota
- esence vanilje
- 20 gr manaferra
Përgatitja
- Hedhim pannën në një enë të ftohtë dhe e rrahim me rrahësin elektrik për gati 10 minuta. Me pas e fusin në frigorifer.
- Sheqerin dhe vezët i rrahim me rrahësin elektrik në një enë tjetër për gati 15 minuta, derisa të bëhet marengë. I bashkojmë të dyja masat, panën e rrahur me vezët duke i përzier ngadalë me ndihmën e të një shpatulle. Masën e vendosim në frigorifer për disa minuta.
- Masën e ndajmë në dy pjesë. Në një pjesë hedhim pak esencë vanilje, ndërsa në tjetrën hedhim manaferrat dhe e trazojmë.
- Në një tavë katrore shtrojmë qeske kuzhine dhe vendosim radhë gjysmat e biskotave.
- Sipër hedhim akulloren e përgatitur. Do të kemi parasysh që në gjysmën e rreshtave të vendosim masën me ngjyrë dhe në gjysmën tjetër masën e bardhë me vanilje.
- E hapim mirë masën me shpatull dhe sipër vendosim biskotat njëra pas tjetrës.
- Tavës sipër i vendosim përsëri qeske kuzhine dhe e futim në frigorifer për 3-4 orë.
- Biskota akullore pothuajse janë gati. Mjafton ti presim sipas formave të biskotave dhe ti shërbejmë.
Receta për biskota të buta ose biskota të mbushura
