Koka e qengjit e pjekur në furrë është një pjatë e dytë e shijshme. Gatuhet me erëza sipër dhe e shoqërojmë me një pjatë patate furre.

Përbërësit për Kokë qengji e pjekur në furrë

• 2 koka qengji ( të ndara përgjysëm)


• pak rozmarinë


• pak sherebelë


• pak kripë


• pak piper


• pak vaj ulliri

Përgatitja

Si fillim pastrojmë kokat e qengjit dhe i lajmë me ujë të bollshëm.
Më pas i shtojmë sipër erëzat e grira ( sherebelën dhe rozmarinën), pak kripë e pak piper.
( Nëse keni kohë, mund ti lini në frigorifer përreth një orë për tu marinuar).
Më pas i vendosim në një tavë i spërkasim sipër me vaj ulliri dhe i pjekim në furrë të nxehtë 180°C përreth një orë.
I shërbejmë të ngrohta të shoqëruara me një pjatë patate furre.

Ju bëftë mirë nga Arti Gatimit!