Panine me qumësht

Në një gotë hedhim majanë e birrës, shtojmë 100 ml qumësht dhe 1 lugë sheqer. E trazojmë mirë dhe e mbulojmë me një pjatë të vogël sipër. E lemë disa minuta derisa të krijojë një shkumë sipër.

Në një enë ngrohim qumështin e mbetur, i shtojmë gjalpin sheqerin e mbetur dhe kripën. I trazojmë mirë derisa të shkrihen përbërësit. Hedhim miellin në tavolinës e punës, hapim një gropëz në mes dhe shtojmë majanë e shkrirë dhe qumështin me gjalpin.

Trazojmë mirë të gjithë përbërësit me kujdes. Zëmë brumin dhe e ngjeshim fort për të paktën 15 minuta. Brumi i përgatitur duhet të jetë pa asnjë kokrrizë, një masë homogjene. Vendosim brumin në një enë qelqi dhe e mbulojmë me pecetë. Vendosim enën në një vend ku të mos ketë korrente ere dhe e lemë të qetësohet përreth 2 orë, derisa masa e brumit të dyfishohet.

Më pas, marrim brumin dhe i japim formën e një cilindri, nga ku marrim pjesë të vogla rreth 30 gr secila dhe krijojmë paninet. Mund të krijojmë edhe forma të tjera buke sipas fantazisë. Vendosim paninet në një tavë me letër kuzhine sipër. Me anë të një peneli lyejmë paninet sipër me qumësht. Pasi i kemi lyer komplet, i lemë paninet të qetësohen përreth gjysmë ore.

Ndezim furrën të nxehet në 220*C. Pasi paninet janë fryrë i lyejmë sipër me penel me vezën e rrahur. Vendosim paninet në furrë të piqen përreth 15-20 minuta. Nxjerrim paninet nga furra dhe i lemë të ftohen pak.

Këto panine janë ideale për tu mbushur me proshutë a sallam e për të bërë sa më të këndshëm një ditë të bukur pikniku.