Vezë në fole spinaqi – Receta Masterchef Albania

Prova e radhës në Master Chef Albania ishte përgatitja e një pjate ku përbërësi kryesor të ishte veza. Në momentin kur shefat nxorën vezën mendimi im i parë ishte lidhja e vezës me spinaqin sepse kjo shije më pëlqen shumë. Mendova ta shoqëroja pjatën edhe me ca grisini ose shkopinj të bëra me arra e ca fara lulëkuqe sipër. Vezën vendosa ta bëja të zier në një qese plastmasë me pak erëza brenda.

Vezë në fole spinaqi - Receta Masterchef Albania

Përbërësit

  • 1 vezë
  • 300 gr spinaq të freskët
  • 1 e 1/2 lugë vaj ulliri
  • 20 gr rrush i thatë
  • 20 gr stika pishe
  • pak kripë
  • pak piper
  • 1 thelpi hudhre
  • Përbërësit për grisini

  • 100 gr miell 00
  • 50 gr arra të qëruara
  • 1 lugë kafeje me sheqer
  • pak kripë
  • 3 lugë vaj ulliri
  • pak fara luledielli
  • 1 majë luge kafeje maja birre
  • 50 ml ujë të vakët
  • pak qumësht

Përgatitja

  • Pasi të fillojmë gjithë përgatitjen duhet të vendosim në një enë me ujë të ftohtë rrushin e thatë që do të na duhet për spinaqin.
  • Si fillim përgatisim brumin për grisinit. Në një gotë shkrijmë majanë e birrës me pak ujë të vakët dhe sheqerin. Marrim miellin e situr dhe e hedhim në tavolinën e punës ku formojmë një rreth të vogël. Në mes hedhim vaj ulliri e pak kripë. I përziejmë ngadalë dhe shtojmë pak nga pak ujin me majanë e shkrirë. I trazojmë mirë e fillojmë të ngjeshim brumin. Ndërkohë grijmë arrat me grirësin elektrik. I grijmë pak trashë. Hedhim edhe arrat te brumi dhe vazhdojmë ta përziejmë. Ngjeshim brumin mirë derisa të arrijmë një masë homogjene, shtojmë pak ujë nëse e shohim që brumi është pak I thatë ose e kundërta, shtojmë pak miell nëse brumi është I qullët. Zëmë brumin mirë dhe e lemë në një enë qelqi të mbuluar me pecetë të lagur. E lemë të pushojë rreth gjysmë ore, ( unë duke mos pasur shumë kohë në dispozicion gjatë garës nuk kisha kohë që ta lija të pushonte).
  • Pasi brumi ka pushuar fillojmë e formojmë shkopinjtë. Hapim brumin me një trashësi rreth 5 mm dhe presim nga ai shirita rreth 1 cm të gjerë dhe 15 cm të gjatë. I vendosim në një tavë me letër furi. Me një penel lyejmë sipër shkopinjtë me pak qumësht dhe iu hedhim sipër fara lulëkuqe. I lemë rreth 15 minuta të pushojnë e më pas I pjekim në furrë të nxehtë 180°C përreth 10-15 minuta. Pasi janë pjekur I lemë të ftohen pak.
  • Përgatisim spinaqin. Pasi e kemi larë mirë e hedhim në një tigan me 1/2 lugë vaj ulliri dhe një thelpi hudhër. I shtojmë pak kripë dhe e mbulojmë me kapak dhe e lemë të ziejë ngadalë me ujin e vet. Më pas e marrim spinaqin dhe e vendosim në tavolinën e punës ku e grijmë me thikë. Në tigan shtojmë vaj ulliri dhe hedhim në të rrushin e thatë të kulluar nga uji, shtojmë gjithashtu dhe stikat e pishës. Pasi i kavërdisim pak shtojmë spinaqin dhe i përziejmë mirë. Shtojmë pak piper dhe e përziejmë mirë.
  • Në një tenxhere hedhim ujë dhe e lemë të ziejë. Marrim një filxhan çaji ose një tas të vogël, marrim një copë qese plastmasë, nga ato me të cilat mbledhim ushqimet ( pellicola), e shtrojmë mbi tasin, e lyejmë sipërfaqen e qeses me pak vaj ulliri dhe thyejmë mbi të vezën. I hedhim pak kripë, pak piper,pak trumzë apo borzilok,(erëzat që ju pëlqejnë më shumë). Unë i shtova edhe pak fare vaj tartufi. Mbyllim me kujdes qesen dhe e lidhim me një spango. Fusim qesen me vezën në uji e nxehtë dhe e lemë të ziejë vetëm për 4 minuta, jo më shumë. E heqim nga zjarri e presim qesen dhe nxjerrim vezën me shumë kujdes që të mos prishet.
  • Fillojmë e vendosim në pjatë spinaqin duke përdorur unazë hekuri të rrumbullakët, sipër vendosim vezën e pjekur dhe anash shkopinjtë me arra e fara lulëkuqe.

Notes

Përgatitja

Shërbejmë pjatën të ngrohtë.

Ju bëftë mirë!

62 Shares
Lini një Përgjigje

Adresa juaj email s’do të bëhet publike.

Recipe Rating




You May Also Like

Pulë me Kunguj e Rukola

Kjo është një mënyrë e veçantë për të gatuar pulën, më saktësisht mishin e bardhë të pulës (pjesën e kraharorit). Një pjatë e thjeshtë për tu përgatitur, dhe e shpejtë sepse mishi i bardhë piqet shumë shpejt. Mishin e shoqërojmë me kunguj dhe sallate rukola.

Receta per Lazanjë

Lazanja është një pjatë tipike e Italisë e në mënyrë të veçantë e zonës së Bolonjës. Kjo pjatë është e njohur tashmë jo vetëm në këtë zonë, por në mbarë botën. Lazanjë është një pjatë e parë, 'e pasur' dhe e shumë e shijshme.

Fërgesë me speca të pjekura

Specat janë përbërës të domosdoshëm të menysë vegjetarianë. Për këtë arsye kemi zgjedhur recetën fërgesë me specka. Për ruajtjen e përbërësve të rëndësishëm specat janë më mirë të freskëta por dhe receta që ne do të përgatitim specat i ruajnë vlerat ushqimore