Tavë balte me spinaq është një gatim mjaft interesant për tu provuar. Vlerat ushqimore te spinaqit dihen që janë të mëdha. Prandaj dhe recetën e sotme e kemi zgjedhur me këtë përbërës.
Tavë balte me spinaq
Sasia: 4 persona
Kalori: 240kcal
Përbërësit
- 500 gr spinaq
- 1 kokërr qepë
- 100 gr djathë dele peccorino
- 1 tufë kopër
- 1 tufe majdanoz
- vaj ulliri
- kripë
- piper
Përbërësit për beshamelin
- 1 lugë gjelle miell
- 1 lugë gjelle gjalpë
- 1 të verdhë veze
- 1/2 gote qumësht
Përgatitja
- Puna e parë është larja e spinaqit. Spinaqin e lajmë në një enë me ujë të bollshëm dhe e lemë 5-6 minuta në ujë që të bien papastërtitë poshtë.
- Ndërkohë në zjarr vëmë një tenxhere me ujë dhe kripë. Pasi të marri valë uji hedhim spinaqin,duke e lënë 1 minutë.
- Spinaqin e nxjerrim menjëherë nga uji i nxehtë dhe e futim në ujë të ftohtë, në këtë mënyrë ruan ngjyrën. E kullojmë dhe e presim hollë.
- Në një tigan të nxehur me vaj ulliri kaurdisim qepën sa të zverdhet, më pas hedhim edhe spinaqin. Në tigan hedhim koprën, majdanozin e prerë hollë, pak djathë, piper dhe e heqim nga zjarri.
- Në një ene tjetër përgatitim beshamel. Kaurdisim miellin me gjalpin, më pas hedhim qumështin dhe të verdhën e vezës. Masën e trazojmë shpejtë që masa të bëhet e derdhur jo me kokrra. E hedhim dhe beshamelin në tigan e trazojmë me spinaqin dhe e hedhim në tava balte. Sipër tavës hedhim djathin pekorino.
- Tave balte me spinaq piqet në furrë të nxehur në 200 °C për jo më shumë se 10 minuta.
