Tortë me çokollatë e spec djegës

Kjo tortë në formë zemre është ideale për të festuar festën e Shën Valenitinit dhe jo vetëm. Kjo është një tortë që mund ta gatuani në çdo moment që keni dëshirë për një ëmbëlsirë të veçantë.

Shija e çokollatës kombinon shumë me specin djegës. Provojeni dhe do të jem e sigurt që do të jetë një nga tortat që do të përgatisni shpesh.

Tortë me çokollatë e spec djegës

Prep Time20 minutes
Cook Time30 minutes
Total Time50 minutes
Course: Dessert
Cuisine: Global
Keyword: embelsire
Sasia: 6 persona
Kalori: 230kcal

Përbërësit

  • 200 gr miell
  • 100 gr sheqer
  • 25 gr kakao pluhur
  • 100 ml qumësht
  • 200 gr çokollatë të zezë
  • 100 gr gjalpë
  • 4 kokrra vezë
  • 1/2 pako maja për ëmbëlsira
  • pak kripë
  • 1 lugë gjelle brandy
  • 1 spec djegës

Përgatitja

  • Si fillim hedhim qumështin me specin djegës në një tenxhere dhe e lemë të nxehet. Sa të fillojë zierja e heqim nga zjarri dhe e lemë në infuzion përreth 20 minuta.
  • Më pas filtrojmë qumështin. Në një tenxhere hedhim gjalpin ,çokollatën dhe qumështin e filtruar dhe i vendosim në zjarr të ngadaltë që të shkrijnë gjalpi e çokollata.
  • I trazojmë mirë se bashku, e më pas shtojmë pak kripë , brandy dhe kakaon pluhur. I përziejmë mirë derisa të bëhet një masë homogjene.
  • Në një enë qelqi hedhim vezët me sheqerin dhe fillojmë ti rrahim me rrahësin elektrik derisa të arrijmë një masë të fryrë.
  • Më pas shtojmë pak nga pak miellin dhe majanë dhe vazhdojmë ti rrahim me rrahësin elektrik.
  • Shtojmë më pas masën me çokollatë dhe i përziejmë së bashku.
  • Masën e hedhim në një tavë në formë zemre ,të lyer paraprakisht me pak gjalpë e miell që të mos ngjisë, (ose nëse nuk keni mund ta hidhni dhe në një tavë të rrumbullakët me diametër 22 cm). 
  • Pjekim tortën në furrë të nxehtë 180°C përreth 30 minuta. Pjesa e brendshme e tortës duhet të rrijë e butë dhe nuk ka nevojë për mbushje me vonë.
  • Heqim tortën nga furra dhe e lemë të ftohet.
  • Më pas vendosim tortën me çokollate në pjatancë dhe e shërbejmë në feta të shoqëruar me pak pana të rrahur ose me çokollatë të shkrirë sipër.

Ju bëftë mirë!

torte-cokollate-embelsira-dashuri-love-shen-valentin-shqip-kuzhina-shqiptare
0 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Krem çokollate (krem ganash)

Kremi ganash është një lloj kremi me përbërje çokollate e pana, i cili gjen një përdorim të gjerë në pastiçeri. Me të mund të zbukurojmë e mbushim torta të ndryshme, por mund edhe ta shijojmë ashtu siçështë duke i hedhur sipër biskota të shtypura ose lajthi e arra.

Akullore me Vanilje

Periudha e verës është pikërisht stina më e mirë për të shijuar kënaqësinë e akullores. Shumë nga lexuesit e faqes tonë www.artigatimit. com na kanë kërkuar recetën e akullores. Ekzistojnë shumë receta për përgatitjen e akullores, me shije nga më të ndryshmet. Ne po japim recetën më klasike, e kësaj recete ju mund ti shtoni me pas shije çokollate, fruta të ndryshme, etj.

Kek me dy ngjyra

Kek me dy ngjyra lë të kuptosh se duhet të përgatisim dy brumëra të ndryshëm, por në fakt kombinimi i ngjyrave është vetëm në fund. Le të shikojmë së bashku përgatitjen e kësaj ëmbëlsire.

Gliko Shalqiri

Shalqiri është fruti që na shoqëron përgjatë stinës së verës. Përmban shumë vitamina e minerale dhe mund të themi që nuk mund të kalojmë verën pa shijuar këtë frutë. Zakonisht lëkurat e shalqirit i hedhim, por me to fare mirë mund të gatuajmë një ëmbëlsirë të shijshme siç është glikoja.

Receta për Xupa

Xupa është një ëmbëlsirë shumë e njohur në vendin tonë. Përgatitja është shumë e thjeshte dhe me përbërës që gjenden fare lehtë. Pasi të keni provuar version bazë, përdorni fantazinë për të shtuar përbërës të tjerë.