Çyrek – Bukë speciale për festa

Çyrek apo siç njihet ndryshe bukë Pashke është një lloje buke speciale e cila përgatitet për festën e Pashkëve. Ne do të japim një recetë të përgatitjes të kësaj buke bazuar tek receta greke. Tsoureki greqisht (τσουρέκι), çörek turkiqisht, panarët Arbërisht.

Çyrek – Bukë speciale për festa

Sasia: 6 persona
Kalori: 230kcal

Përbërësit

  • 650 gram miell
  • 100 gram qumësht
  • 100 mL ujë
  • 160 gram sheqer
  • 35 gram gjalpë dele
  • 35 gram gjalpë lope
  • 40 gram maja buke
  • 3 kokrra vezë
  • 5 gram maklep lloje erëze
  • 5 gram mastika ose fara kumini lloje erëzash
  • 50 gram bajame të qëruara

Përgatitja

  • Në fillim shkrijmë majanë në ujë me pak sheqer. Në një enë të bollshme hedhim qumësht, gjalpë dhe sheqerin e ngelur. Shtojmë edhe majanë e tretur. I përziejmë pak pastaj shtojmë vezët, miellin, erëzat.
  • Brumi do të punohet për gati 15 minuta. E punojmë në tavolinën e punës duke përdorur fundin e pëllëmbës. Fare mirë për këtë proces mund të përdoret edhe një mikser kuzhinë.
  • E vendosim në një enë me kapak dhe e lemë të pushoj për gati dy orë.
  • Brumin e punojmë edhe dy herë të tjera me nga pesë minuta në interval pushimi me nga 10 minuta.
  • Më pas brumin e ndajmë në gjashtë toptha dhe duke i bërë rripa-rripa.
  • Thuren të gjashtë rripat në formë gërsheti. Procesi eshte i ilustruar me foto.
  • Nëqoftëse nuk mundeni ta thurni me gjashtë gërsheta e bëni me tre rripa për të thurur gërshetin.
  • Gërshetin e përgatitur e vendosim në një tavë të lyer me gjalpë. E vendosim në furrë dhe e lemë derisa të rritet volumi.
  • Pasi e shikojmë që brumi është dyfishuar, gërshetin sipër e lyejmë me të verdhë veze të holluar me qumësht, njëkohësisht hedhim edhe bajamet të prera hollë.
  • Nëqoftëse çyrekun e duam për ditë pashke vendosim sipër gërshetit edhe një ose dy vezë të kuqe të ziera. Nxehim furrën dhe e pjekim në temperaturën 180 gradë për 40-45 minuta.
cyrek - receta gatimi per festa

Buka Pashke është gati për tu shërbyer. Për çdo pyetje, mund të përdorni hapësirën e komenteve qe gjendet në fund të recetës.

Receta për yshmer dhe qumeshtor.

Ju bëftë mirë nga Arti Gatimit

282 Shares
Lini një Përgjigje

Adresa juaj email s’do të bëhet publike.

Recipe Rating




You May Also Like

Kompekaj

Kompekaj është një ëmbëlsirë e njohur shqiptare. Procesi i përgatitjes se kësaj ëmbëlsire mund te duket i komplikuar, por rezultati ja velen ta provoni. Ndiqni gjithashtu video recetën e përgatitur posaçërisht.

Vezë në kulaç

Kjo është një recetë e bukur dhe e shijshme pa diskutim që përgatitet me rastin e Pashkëve dhe jo vetëm. është një tortë e kripur, e mbushur brenda me djathra të ndryshëm e salçiçe. Sipas dëshirës dhe shijeve mund ta mbushim brenda edhe me proshutë, sallam, kunguj të vegjël, etj. Përgatitja nuk është shumë e vështirë, por duhet pak kohë për brumin. Përfundimi i këtij kulaçi ia vlen mundimin e bërë. Të gjithë do të ngelen të kënaqur.

Panine me qumësht

Paninet e përgatitura me qumësht kanë një shije të veçantë, janë të buta e pëlqehen nga të gjithë sidomos nga fëmijët. Me masat që kemi dhënë mund të përgatisni panine si në rastin tonë, ose mund të bëni forma të ndryshme buke si gërshet ose një formë të vetme.