Gjelle me presh dhe mish

Nerti
  • 05/08/2020
Le të shfrytëzojmë deri ne fund atë qe na jep toka me recetën e radhës, gjelle me presh dhe sigurisht ndonjë copë mishi. Recetë shumë e thjeshtë për tu ndjekur dhe për të mos humbur traditën e “gjellëtoreve”!

Gjelle me presh dhe mish

Prep Time20 minutes
Cook Time20 minutes
Total Time40 minutes
Course: Main Course
Cuisine: Albanian
Keyword: gjelle
Sasia: 3 persona
Kalori: 360kcal

Përbërësit

  • 300 gr mish gici
  • 3 presha mesatar
  • 1 kokërr qepë
  • 1 karotë
  • 50 gr salcë domate
  • 1 lugë kafeje miell
  • gjethe dafine
  • piper kokërr
  • 1 shkop kanellë
  • majdanoz
  • vaj ulliri
  • kripë

Përgatitja

  • Lajmë mishin e zgjedhur nga kasapi i besuar, e presim në thela dhe e lemë të kullojë. Në alternative mund ta thajmë me letër kuzhine.
  • Ndërkohë pastrojmë e lajmë preshin e qepën. Preshin e presim në role të vogla kurse qepen e presim hollë. Presim gjithashtu edhe karotat.
  • Mishin e hedhim në tenxheren me pak vaj ulliri dhe e kaurdisim së bashku me qepën, sa të japin atë aromën e vet karakteristike.
  • Me pas, në hapin tjetër hedhim salcën shoqëruar me gjethet e dafinës, piperin, kanellën e më pas shtojmë preshin dhe karotat.
  • E kaurdisim pak me preshin dhe i hedhim ujin e ngrohtë, 3cm mbi perimet. E rregullojmë me kripë, i vendosim kapakun dhe e lemë në zjarr të ngadalshëm.
  • Pasi ka zier mishi rreth 20 minuta, përgatitim një tip roux duke tretur miellin me pak gjalpë dhe qumësht dhe e hedhim në tenxhere duke e trazuar.
  • Gjellën me presh e lemë në zjarr dhe 5 minuta dhe e heqim. Në fund hedhim dhe majdanozin e grirë hollë.
  • Gjelle me presh dhe mish është gati për tu servirur. Kjo pjatë preferohet e ngrohtë me bukë të thekur.

Ju bëftë mirë!

In this article:
,,
1 Shares
WhatsApp 0
Facebook 0
Facebook Messenger 0
X (Twitter) 0
Pinterest 1
Mail 0
Post written by:
E pasionuar pas kuzhines shqiptare dhe asaj te huaj, sjell për ju përmbledhje me receta gatimi.
Follow
7 comments
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Mish me surprizë

Kjo pjatë është një pjatë e dytë, por fare mirë mund të përgatitet dhe për një aperitiv. Ju ka qëlluar ndonjëherë që të keni gatuar shumë dhe ditën tjetër nuk dini se ç'të bëni me gjithë ushqimin e mbetur? Kjo është një nga ato receta që riciklon atë që na ka mbetur në frigorifer. Ne në këtë recetë kemi përdorur rolenë e pulës, por ju fare mirë mund të vini cdo lloj mishi që keni për momentin, mund të vini në vend të proshutës sallame të ndryshëm. është një recetë e shpejtë dhe e shijshme.
0 Shares
0
0
0

Pjatancë me mish në zgarë e sallatë rukola

Kjo është një pjatë shumë e thjeshtë, ku përbërësi kryesor është mishi i viçit. Duhet të jetë mish i zgjedhur, një filetë me trashësi 4-5 cm dhe duhet ta pjekim në zgarë jo më shumë se 5-6 minuta për anë. I vënë mbi një shtresë sallate rukola, dhe sipër pak parmixhan, është me të vërtetë një pjatë që shijohet në cdo stinë.
0 Shares
0
0
0

Mish pule me kos

Pula me kos është një nga ato recetat që ju këshillojmë ta provoni një herë e që patjetër do ta gatuani gjithmonë. Mishi i pulës i gatuar me kos është një alternativë e recetava të shumta që ekzistojnë për të gatuar këtë lloj mishi. Në këtë recetë ne kemi shtuar disa erëza por nëse nuk ju pëlqejnë mund të mos i shtoni. Hidhini kosit erëzat që preferoni më shumë.
0 Shares
0
0
0

Salcë kima

Kima (ose e quajtur tjetër ragu) është një salcë me bazë mishi të grirë, të cilën mund ta përdorim për ta përzier me makarona, oriz, perime të ndryshme, etj. Kjo lloj salce kërkon pak kohë në zierje, por përfundimi ia vlen mundimin e bërë.
3 Shares
0
0
3

Pulë me perime

Mishi i pulës mund të gatuhet në mënyra nga më të ndryshmet. Në këtë recetë ne e kemi sjellë të gatuar me perime të ndryshme. Kjo është një pjatë shumë e shijshme dhe jo shumë e vështirë në përgatitje.
0 Shares
0
0
0