Receta per Makarona
Komente nga Fb - Shkruaj një koment

Ravioli me spinaq të përgatitur në shtëpi

Përgatitja: 25 min - Pjekja: 5 min - Sasia: 4 Persona Persona

Ravioli është një produkt tipik i kuzhinës italiane por tashmë përdoret gjerë edhe në vendin tonë. Ravioli me spinq e gjizë është një përgatitje tipike e kësaj recete.

Përbërësit për Ravioli me spinaq të përgatitur në shtëpi

    Për brumin

  • 400 gr miell

  • 3 kokrra vezë

  • 1 të verdhë veze

  • kripë
  • Për mbushjen

  • 500 gr spinaq

  • 100 gr gjizë pa kripë (ricotta)

  • djathë parmixhian

  • kripe

  • piper
  • Për përgatitjen

  • 50 gr gjalpë

  • djathë parmixhian

  • 3 gjethe sherebele


Përgatitja

Në fillim përgatitim brumin. Hedhim miellin në tavolinën ë punws e hapim dhe ne mes hedhim vezët. Hedhim pak kripë dhe fillojmë të trazojmë në mes të miellit dhe duke marrë pak nga pak miell nga brenda.
Pastaj fillojmë të ngjeshim brumin me dorë. Në qoftë se brumi është shumë i fortë, mund të hedhim pak ujë. Brumin për ravioli e mbështjellim me një qeskë kuzhine dhe e lemë të pushojë për 30 minuta.

Ndërkohë përgatisim mbushjen, spinaqin e lajmë, e kullojmë mirë, e presim dhe e kaurdisim pak në një tiganë me vaj ulliri.
Heqim spinaqin nga tigani dhe mund ta grijmë më thikë ose mund ta kalojmë disa çaste në grirës elektrik.
Spinaqit i shtojmë gjizën dhe e trazojmë mirë. Hedhim pak kripë e piper dhe ne fund pak djathë parmixhian të grirë. Mbushja për ravioli është gati.

Mbas kësaj vazhdojmë me hapjen e brumit.
Hapim brumin në tavolinën ë punës më trashësi jo më shumë se gjysmë centimetri. Presim shirita me gjerësi rreth 3 cm.
Mbushjen e përgatitur e vendosim në pjesë të vogla me nga 3 cm nga njëri tjetri.
Vendosim një pjesë të shiritit sipër dhe e ngjeshim me kujdes me dorë, në vendet bosh. Presim ravioli me spinaq në çdo ndarje. Nga prerja dalin forma katrore të mbushura të cilat i ngjeshim pak anash që të mos na dalin mbushja gjatë zierjes.

Ndërkohë kemi vënë në zjarr një enë me ujë të bollshëm.
Pasi të vlojë ujë, hedhim pak kripë dhe më pas me kujdes hedhim raviolit e mbushur mw spinaq dhe i lemë 5 minuta.

I kullojmë dhe i hedhim në një tiganë të nxehtë me gjalpë dhe disa gjethe sherebele.
I kaurdisim për një minutë dhe i shërbejmë me djathë të grirë.

Ravioli me spinaq dhe ricotta janë gati.

Ju bëftë mirë!

Receta Gatimi

Shkruani komentin tuaj - Komente