Xhelatinë e përgatitur me lëng shege. Shegët kanë në përmbajtje substanca unike që janë përgjegjëse për shumë benefite shëndetësore në organizëm. Prandaj është e këshillueshme të përdoren në smoothie ose receta të ndryshme.
Xhelatinë me lëng shege
Sasia: 4 persona
Kalori: 150kcal
Përbërësit
- 400 ml lëng shege
- 100 ml qumësht
- 50 gr niseshte
- 50 gr miell
- 200 gr sheqer
Përgatitja
- Për të përgatitur këtë xhelatinë me lëng shege qërojmë shegët i bëjmë kokrra. Kokrrat i bëjmë lëng me anë të grirësi elektrik. Është e rëndësishme që të ndajmë bërsitë nga lëngu.
- Të gjithë përbërësit i hedhim në një enë dhe i trazojmë mirë me rrahësen e vezëve. Enën e vendosim në zjarr të ngadalshëm. Masën e trazojmë gjithë kohën që ajo të mos ngjitet në fund të enës.
- Xhelatinë me lëng shege e lemë në zjarr 5-6 minuta pasi të marri valë. Kremin e hedhim në tase të vegjël ose pjatë sipas dëshirës.
- Pasi xhelatina ftohet shtojmë sipër disa kokrra shegë dhe e shijojmë.
Ju bëftë mirë nga artigatimit.com
