Përshesh me kulaç gruri

Përsheshi i përgatitur me kulaç gruri është shumë i shijshëm. Përgatitet me lëngun e mishit të gjelit të detit.

Përshesh me kulaç gruri

Prep Time20 mins
Cook Time40 mins
Total Time1 hr
Course: Main Course
Cuisine: Albanian
Keyword: kuzhina shqiptare
Sasia: 6 persona
Kalori: 130kcal

Video

Përbërësit

  • 1 kg kulaç me miell gruri
  • 500 gr qepë
  • të brendshmet e gjelit të detit mëlçia, plendësi, qafa
  • kripë
  • nenexhik i freskët
  • nenexhik i thatë
  • vaj ulliri

Përgatitja

  • Për të përgatitur përshesh me kulaç gruri, si fillim vendosim të ziejë mishi në një tenxhere me ujë. I hedhim më pas pak kripë.
  • Ndërkohë përgatisim qepët. I qërojmë, i lajmë e i grijmë në copa të vogla. I hedhim në një tigan me vaj ulliri. I vendosim në zjarr e fillojmë ti kavërdisim. Shtojmë pas pak edhe copat e plëndësit. I kavërdisim mirë së bashku.
  • Qepa duhet të bëhet në ngjyrë të verdhë. Më pas i hedhim në tenxheren ku ziejmë mishin e i mbulojmë me kapak. I lemë në këtë mënyrë të ziejë përreth 40 minuta. Shtojmë më pas edhe nenexhikun.
  • Bëjmë kulaçin në copa të vogla. I hedhim në një tenxhere. Marrim lëngun e përgatitur dhe të nxehtë e hedhim mbi copat e kulaçit. Mbulojmë tenxheren me kapak dhe e lemë në këtë mënyrë derisa të jenë zbutur copat e kulaçit.
  • E hedhim përsheshin me kulaç gruri në pjatancë dhe e shërbejmë të ngrohtë të shoqëruar me mish gjel deti.

Ju bëftë mirë dhe Gëzuar Vitin e Ri!

Nëse ju pëlqen përsheshi me kulaç misri, lexoni këtu recetën!

45 Shares
3 comments
  1. Pershendetje dhe ju lumshin duart per gjithe keto receta te shijshme! Ju lutem a mund te me thoni per nje kulac te bere nga 1 kg miell sa leng duhet t’i hedhim pasi ta bejme pershesh(psh sa gota), sepse u be dy here qe e gatuaj kete recete dhe me del qull fare(e kam provuar ne nje familje nga Skrapari dhe ishte shume i shkrifet).

    1. Amarda qw tw mos behet i qullet persheshi perdor kete menyre. Hiq gjysmen e lengut veçante ne nje ene tjeter, tek tenxherja hidh kulaçin e persheshur, nese e shikon qe eshte i thate e ka nevoje akoma per leng, shtoji lengun nga ena qe ke hequr veçante. Mbuloje me kapak dhe lere derisa te regjet kulaçi. Me kete menyre jam e sigurt qe nuk te behet anjehere qull. Provoje e na trego. Gatim te mbare!

Lini një Përgjigje

Adresa juaj email s’do të bëhet publike.

Recipe Rating




You May Also Like

Tortë me çokollatë e spec djegës

Kjo tortë në formë zemre është ideale për të festuar festën e Shën Valenitinit dhe jo vetëm. Kjo është një tortë që mund ta gatuani në çdo moment që keni dëshirë për një ëmbëlsirë të veçantë. Shija e çokollatës kombinon shumë me specin djegës. Provojeni dhe do të jem e sigurt që do të jetë një nga tortat që do të përgatisni shpesh.

Torta Make Up

Kjo tortë është bërë pikërisht për ato femra që kanë pasion makijazhin. është një tortë e përgatitur me një pandispanjë e mbushur me krem pastiçier dhe sipër e zbukuruar me brumë sheqeri.

Gjel deti i pjekur

Gjeli i detit është një karakteristikë e darkës së funvitit në Shqipëri. Nuk mund ta mendojmë tryezën pa patur në mes të saj mishin e pjekur të gjelit të detit. Ne e kemi pjekur shumë thjesht, veç me kripë e gjalpë, pa shtuar erëza të tjera, por nëse dëshironi mund ti shtoni piper ose ta mbushni me arra.