Kulaç 5 lekësh

Kur sjellim ndërmend vitet e fëmijërisë (para shumë vitesh kuptohet), patjetër që do të kujtohemi edhe për ata kuleç të vegjël me atë ngjyrën e kuqe sipër. Kulaç 5 lekësh i thoshin nga anët tona, por janë thjesht biskota të lyera sipër me sheqer e ngjyrues.

Kulaç 5 lekësh

Përbërësit

  • 1 kg miell
  • 1/2 kg sheqer
  • 150 ml vaj luledielli
  • 375 ml ujë rreth 2 gota e gjysëm
  • 2 të verdha veze
  • 1 lugë kafej sodë buke
  • Përbërësit për sipër

  • pak ngjyrues të kuq ose ngjyrues tjetër sipas dëshirës
  • 1 të bardhë veze
  • 250-300 gr sheqer pluhur

Përgatitja

  • Marrim miellin dhe i hedhim sodën e bukës, e trazojmë mirë. Hapim miellin dhe bëjmë një gropë në mes të tij. Hedhim në të gjithë përbërësit e tjerë,sheqerin, vajin, të verdhat e vezës. I përziejmë me kujdes dhe shtojmë dhe ujin. Duhet ta trazojmë shumë shpejt brumin, ( mos u frikësoni nëse del i lëngshëm sepse kështu duhet).
  • Mbi banak hedhim pak miell dhe hapim me kujdes brumin e përgatitur me anë të një peci.
  • Petën e hapim me një trashësi rreth 1,5 cm. Me anë të formës presim me kujdes biskotat dhe i nxjerrim. I hedhim shpejt në dorën tjetër dhe i vendosim mbi në tavë ku kemi shtruar letër furri.
  • Fusim tavën në furrë 250°C përreth 20 minuta.
  • Përgatitja e zbukurimit sipër

  • Në një enë qelqi hedhim të bardhën e vezës dhe fillojmë ta rrahim me një pirua ose një frustë. E rrahim pak e më pas hedhim sheqerin pluhur duke e situr sipër. E trazojmë me kujdes derisa masa të bëhet homogjene. Në fund shtojmë ngjyruesin që dëshirojmë. Këshillojmë që të shtohet pak pika në fillim derisa të arrihet ngjyra që dëshirojmë.
  • Në këtë moment e kemi gati kremin sipër. Pasi biskotat janë ftohur i lyejmë sipër me kremin që kemi përgatitur.
  • I lemë biskotat të ftohen komlpet derisa të jetë ngrirë komplet pjesa sipër.
  • Biskotat janë gati për tu servirur.

Notes

Përgatitja

Ju bëftë mirë!

receta-kulac-5lek-shqiptar-tradicionale-ushqime-gatime-receta-1

343 Shares
1 comment
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Torte me smarties e kitkat

Torta e zbukuruar me smarties është një tortë plot ngjyra , me një efekt fantastik. Në të vërtetë është një tortë e thjeshtë për tu përgatitur. Bazën e tortës mund ta përgatisim një ditë më parë dhe ta zbukurojmë në momentin që e servirim.

Luleshtrydhe me akullore

Luleshtrydhja është një frut i pasur me vitamina C, A, B1, B2 etj. Këtë lloj fruti, shumë i shijshëm, me një formë të bukur, profum i këndshëm dhe shije fantastike, përveçse mund ta konsumojmë të freskët, mund ta përdorim në shumë ëmbëlsira. Ne kemi zgjedhur një recetë shumë të thjeshtë për tu përgatitur dhe me pak përbërës.

Kek me mollë

Një tjetër ëmbëlsirë kek me mollë nga faqja e Artigatimit.com pasi në faqe mund të gjeni disa versione të tortë me mollë. Kek pasi në disa zona akoma përdoret si term dhe kujton ëmbëlsirat që përgatiteshin në tavat e dikurshme elektrike.

Profiterol me çokollatë

Profiteroli me çokollatë është një nga ato ëmbëlsirat që kur fillon ti provosh nuk do të mbarosh. Kjo ëmbëlsirë ka një bazë me pasta shu me të cilën krijojmë bigné të vogla dhe me mbushje çokollate.