Trahana është një pjatë e vjetër ballkanase, e cila është përdorur dhe përdoret edhe në Shqipëri. Duke parë se është një pjatë me pak shpenzime ajo ka qenë prezente çdo mëngjes në stinën e dimrit kur burimet ushqimore ishin më të rralla. Gatimi i trahanas bëhet sipas krahinave, mund të shtohet gjalpë dele apo gjize dhie. Edhe gatimi i trahanase me lëng mishi e yndyre është shumë i përhapur.
Trahana mund të përgatitet në disa mënyra. Trahanaja është një ushqim që gëzon vetitë e dobishme të fermentimit duke ushqyer më së miri aparatin tretës.
Trahana – Kuzhina Shqiptare
Sasia: 2 persona
Kalori: 150kcal
Përbërësit
- 80 gr trahana e zëne me kos
- 400 ml ujë
- 2-3 feta bukë e thekur
- vaj ulliri ose gjalp
- kripë
- djathë sipas dëshires
Përgatitja
- Trahanaja është mirë të lihet në ujë të ftohtë një natë më përpara ose të paktën një orë para përgatitjes në mëngjes.
- Në një enë hedhim masen e ujit dhe e vendosim në zjarr. E lemë ujin sa të ngrohet mirë dhe hedhim trahanan duke e trazuar shpesh që të mos krijohen kokrra.
- Duke e trazuar vazhdimisht, ajo do te trashet dhe e lemë të zjej për tre – kater minuta duke e përzier. E heqim nga zjarri, hedhim bukën qe kemi bërë në copa të vogla, e trazojme dhe e mbulojmë me kapak duke e lenë të mbyllur për dy-tre minuta.
- E servirim në pjatë me vaj ulliri ose me gjalp dele. Sipas dëshirës mund t’i hedhim djathë, gjizë dhie ose spec të kuq sipër.
- Një mënyrë tjetër për përgatitjen e trahanas është skuqja e saj me vaj ose me gjalpë dhe me pas i hedhim ujin e nxehtë.
Ju bëftë mirë nga Arti Gatimit
Qëndroni të sinkronizuar me faqen tonë duke u abonuar falas në njoftimet e faqes për receta gatimi, shkruaj adresen email dhe konfermo kodin e sigurisë. Ju ftojmë të merrni pjesë edhe në diskutimet e recetave në fund të faqes në hapësirën e komenteve.
