Biskota gurabije përgatitur me tahini. Kemi folur për recetën tahini disa ditë më parë. Kjo është një recetë turke të cilën ma ka dhënë një shoqe nga Stambolli.
Biskota me tahini – Receta gatimi turke
Sasia: 20 biskota
Kalori: 170kcal
Përbërësit
- 500 gram miell
- 2 kokrra vezë
- 150 gr kos
- 1 lugë e vogël sodë ose maja
- 100 gr sheqer
- 1 lugë e vogël uthull molle
- pak kripë
Përbërësit për mbushjen
- 3 lugë gjelle tahini
- 2 lugë gjelle sheqer
Përgatitja
- Hedhim miellin në një enë qelqi, e hapim në mes dhe hedhim të gjithë përbërit brenda. Më pas fillojmë ta përziejmë.
- E punojmë brumin për gati dhjetë minuta sa të bëhet një masë elastike. Brumin e mbledhim me qeskë kuzhine dhe e lemë të pushojë për gati 30 minuta.
- Në hapin tjetër të gjithë brumin e hapim vetëm në një petë me trashësi 0,5 cm.
- Petën sipër e lyejmë me tahini të përzier me sheqer. Kliko për pergatitjen e tahini. Me anë të lugës e hapim përbërjen në të gjithë sipërfaqen e petës.
- Petën e mbledhim në formë role. E presim me thikë në mënyrë që largësia e prerjeve të jetë 2 cm nga njëra tjetra.
- Ëmbëlsirat i radhitim në një tavë të shtruar me letër kuzhine dhe e futim në furre ku e lemë të pushojë për rreth 20 minuta.
- Biskotat me tahini tashme mund ti pjekim në furrë të nxehur më parë në temperaturën 200 gradë për 15 minuta.
Si gjithmonë mirëpresim komentet tuaja dhe foto nga gatimet.
