Biskota pa vezë për të gjithë ju që mund të jeni alergjik nga vezët. Kjo recetë për biskota është e thjeshtë dhe do të ngeleni të kënaqur nga rezultati final.
Biskota pa vezë
Sasia: 4 persona
Kalori: 230kcal
Përbërësit
- 240 gr miell
- 40 gr sheqer
- 90 gr gjalpë
- 150 ml kos
- 1/2 pako maja për fryrje
- pak kripë
Përgatitja
- Në një enë qelqi hedhim miellin, sheqerin, fryrësin, kripën, përziejmë përbërësit e thatë. Më pas në enë shtojmë gjalpin, kosin dhe punojmë brumin për gati 7-8 minuta. Brumin e lemë të pushojë për 15 minuta.
- Më pas spërkatim tavolinën me pak miell dhe e hapim brumin me okllai në formë pete me trashësi gati 2 cm. Në fund petën e spërkatim me pak sheqer dhe i kalojmë përsëri okllainë sipër.
- Petën e presim në format e biskotave që dëshirojmë. Biskotat pa vezë i vendosim në një tavë ku kemi shtruar një letër kuzhine. Tavën e futim në furrë të nxehur në 180° dhe i pjekim për 15 minuta.
- Biskotat pa vezë janë gati pak sheqer pluhur sipër nëse dëshironi dhe i shërbejmë.
Ju bëftë mirë
1 comment
Ka receta interesante, me pëlqen.