Kjo recetë e përgatitjes së kek me lëng portokalli është shumë e shëndetshme për fëmijët të shoqëruar me qumësht, pse jo edhe për ju e shoqëruar me kafe.
Kek me lëng portokalli
Sasia: 6 persona
Kalori: 220kcal
Përbërësit
- 300 gr miell
- 150 gr sheqer
- 3 kokrra vezë
- 250 ml lëng portokalli
- 50 mL vaj ulliri
- 1 lugë e vogël sodë
- lëkurë portokalli e grirë në rende
Përgatitja
- Në një enë rrahim vezët së bashku me sheqerin. Më pas hedhim lëngun e portokallit dhe vajin duke i përzier mirë.
- Përbërësit e thatë, miellin me sodën i bashkojmë se bashku dhe me pas i kalojmë në sitë. I hedhim ngadalë në masën e lëngshme duke i trazuar. Masa duhet të arrijë një përbërje homogjene.
- Në fund hedhim edhe lëkurën e portokallit të grirë në rende. Duhet të bëjmë kujdes mos të kapim pjesën e bardhë të lëkurës pasi është shumë e hidhur. Renden duhet ta mbajmë poshtë dhe portokallin lartë, kështu jemi të sigurte qe nuk prekim pjesën e bardhë.
- Masën e hedhim në një tavë të lyer me gjalpë dhe pak miell. Kekun e pjekim në temperaturën 180 gradë për rreth 40 minuta.
- Kek me lëng portokalli është gati. E lëmë të ftohet dhe më pas e shërbejmë të spërkatur më sheqer pluhur.
Receta për kek me mandarina, kek me molle ose kek me kungull.
