Muffins me mollë dhe me kanellë janë kaq të shijshme. Copat e mollës në brëndesi të shoqëruar me aromën e kanellës do ju ndryshojnë ditën. Receta e preferuar e muffin për një shije dhe aromë të mahnitshme, perfekte për t’u shijuar në çdo kohë.
Muffins me mollë dhe me kanellë janë kaq të shijshme sidomos nëse e provoni me mollë të llojit Honeycrisp ose Fuji.
Muffins me Mollë dhe me Kanellë
Sasia: 8 cope
Përbërësit
- 400 gr miell
- 4 kokrra mollë
- 150 gr gjalpë
- 150 gr sheqer
- 2 kokrra vezë
- 1 lugë çaj ekstrakt vanilje
- 150 ml qumësht
- gjysmë lugë çaj fryrës për ëmbëlsira
- gjysmë lugë çaj kripë
- 2 lugë gjelle kanellë
Përgatitja
- Para se te fillojmë me përgatitjen ju këshillojmë te nxehni furrën në 180°C.
- Hedhim në një enë miellin, pluhurin fryrës për ëmbëlsira, pak kripë dhe kanellën. I trazojmë të gjithë përbërësit.
- Lajmë mirë mollët dhe i pastrojmë. Sipas dëshirës mollët mund ti qëroni nga lëkura por nëse ato janë biologjike ju këshillojmë ta lini lëkurën. Hedhim pak nga masa e thatë tek mollët.
- Rrahim së bashku sheqerin dhe gjalpin derisa të kemi një masë si shkumë, do te na duhen rreth 3 minuta. Shtojmë më pas vezët një e nga një. Shtojmë dhe pak ekstrakt vanilje.
- Masën e përgatitur e bashkojmë me masën e thatë qe përgatitëm ne fillim. E trazojmë më avash të gjithën.
- Shtojmë dhe mollët e prera në copa dhe e trazojmë disi derisa mollët të mbulohen.
- Në enën për muffin hedhim nga masa e brumit deri 3/4 e enës, nuk duhet ti mbushim plot.
- Vendosim tavën me muffin me mollë dhe kanellë në furrë për pjekje dhe i lëmë rreth 30 minuta. Gjithsesi koha është e ndryshueshme nga tipologjia e furrës dhe duhet ta kontrolloni herë pas here.
Muffin me mollë dhe me kanellë janë gati dhe mos harroni të na bëni tag ne Instagram me recetën që keni gatuar.
