Burani me Spinaq e Vezë

burani-veze-spinaq-receta-gatimi-arti-food-recipe-e

Buranija me spinaq e vezë është një pjatë e shijshme dhe me siguri e pasur me vitamina. Duke i hedhur sipër edhe vezën, mund ta shërbejmë si pjatë të vetme. Një recetë e thjeshtë, por që të kënaq me shijen e saj.

Përbërësit për Burani me Spinaq e Vezë

    Për 5-6 persona

  • 1 kg spinaq i freskët

  • 1 filxhan kafeje oriz

  • 5-6 qepë të njoma ( ose 1 qepë e thatë)

  • pak kripë

  • pak piper

  • pak kopërr ose pak neneshik ( sipas dëshirës)

  • 5-6 vezë

  • 4-5 lugë vaj ulliri

Përgatitja

Si fillim lajmë mirë në ujë të rrjedhshëm spinaqin. Pastrojmë gjithashtu edhe qepët.
Në një tenxhere të gjerë hedhim vaj ulliri dhe grijmë në të qepët. I kavërdisim për disa minuta e më pas shtojmë orizin. I trazojmë mirë. I shtojmë ujë dhe e lemë të ziejë.

burani-veze-spinaq-receta-gatimi-arti-food-recipe-a

burani-veze-spinaq-receta-gatimi-arti-food-recipe-c

Kur orizi është gjysmë i zier shtojmë spinaqin, (presim në copa nëse fletët e tij janë të mëdha). Shtojmë pak kripë, pak piper dhe pak ujë nëse ka nevojë. Mbulojmë tenxheren me kapak duke e lenë të ziejë ngadalë derisa të jetë shteruar uji dhe orizi të jetë zier. Kur gjella është gati shtojmë pak nenexhik ose kopërr të grirë, e trazojmë ngadalë dhe fikim zjarrin. Shtojmë në fund vezët duke i thyer sipër dhe e mbulojmë tenxheren me kapak.

burani-veze-spinaq-receta-gatimi-arti-food-recipe-b

E lemë kështu të mbuluar në mënyrë që vezët të piqen me nxehtësinë e gjellës. (Këtë gjellë mund ta bëni edhe në tavë në furrë duke e hedhur orizin e spinaqin pasi është gjysmë i zier. Në fund fikni furrën dhe shtoni vezët.)

Shërbejmë gjellën të ngrohtë duke e serviruar çdo personi edhe nga një vezë në pjatë.

Ju bëftë mirë!

burani-veze-spinaq-receta-gatimi-arti-food-recipe-d

You Might Also Like

5 thoughts on “Burani me Spinaq e Vezë”

Reply via Facebook

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>