Embëlsirë me çokollatë dhe amareta

Nerti
  • 22/10/2019
Kjo është një ëmbëlsirë që hahet me lugë. Përgatitet me amareta, kakao, vezë, qumësht dhe e mbuluar sipër me karamel. Mund ta zbukurojmë me amareta sipër. Është me të vërtetë një ëmbëlsirë e shijshme që ia vlen mundimi i përgatitjes.

Embëlsirë me çokollatë dhe amareta

Sasia: 0

Përbërësit

  • 600 ml qumësht i freskët
  • 10 të verdha vezësh
  • 130 gr sheqer
  • 50 gr kakao pluhur
  • 1/2 gote rum
  • 110 gr amareta

  • Përbërësit për karamelin

  • 100 gr sheqer

Përgatitja

  • Në një enë të madhe hedhim të verdhat e vezëve me sheqerin. Fillojmë ti rrahim me rrahësin elektrik derisa të arrijmë të kemi një masë të fryrë si shkumë. Me anë të një grirësi elektrik, grijmë amaretat derisa të bëhen pluhur,(mund të lëmë vecantë disa amareta për zbukurim).
  • I bashkojmë me kakaon dhe i trazojmë. Ndërkohë, në enën e vezëve hedhim rumin, përzierjen e kakaos me amaretat dhe i trazojmë me kujdes. Shtojmë edhe qumështin dhe vazhdojmë ta përziejmë. Masa e përgatitur duhet të jetë shumë e lëngshme.
  • Në një tenxhere të vogël përgatisim karamelin duke shkrirë sheqerin. Duhet ta përziejmë vazhdimisht. Karamelin e përgatitur e hedhim në një tavë drejtëkëndëshe të lartë ( si ato të formës së bukës), duke pasur kujdes që të lyhet komplet pjesa e brendshme. Hedhim masën e përgatitur në tavë.
  • Marrim një tavë më të madhe dhe e mbushim me ujë të nxehtë, në të vendosim tavën me ëmbëlsirën e përgatitur. I vendosim tepsitë me kujdes në furrën e nxehtë paraprakisht dhe i lemë për 50 minuta në 180 °C.
  • Më pas i nxjerrim nga furra, marrim tavën me ëmbëlsirën dhe e lemë të ftohet komplet. Kur e shohim që është ftohur, e kthejmë të gjithë ëmbëlsirën në pjatancë. E zbukurojmë sipër me amareta dhe e shërbejmë në kupa të vogla me lugë.

Ju bëftë mirë!

In this article:
,,,
0 Shares
WhatsApp 0
Facebook 0
Facebook Messenger 0
Twitter 0
Pinterest 0
Mail 0
Post written by:
E pasionuar pas kuzhines shqiptare dhe asaj te huaj, sjell për ju përmbledhje me receta gatimi.
Follow
3 comments
  2. Pingback: Dessert with chocolate and amaretti biscuits | AGRecipes.com
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Tortë me banane e kakao

Tortë me banane e çokollatë është një ëmbëlsirë e shijshme që mund ta përgatisni në pak kohe. Nëse keni banane të pjekura shumë dhe nuk dini ç'të bëni me to kjo është një recetë ideale.
0 Shares
0
0
0

Tortë për ditëlindje për fëmijë (Hello Kitty)

Kjo është një tortë speciale për raste ditëlindjesh për fëmijët e jo vetëm. Në rastin tonë e kemi zbukuruar sipër tortën me figurën e Hello Kitty por çdo njeri është i lirë të bëjë zbukurimin që i pëlqen më shumë. Në këtë recetë kemi një bazë pandispanje ose më mirë një tortë 'sfungjer' ( sponge cake) që është e mbushur me një krem çokollate. është me të vërtetë një tortë që ia vlen mundimi i përgatitjes. Miqtë tuaj do të ngelen patjetër shumë të kënaqur nga kjo ëmbëlsirë.
0 Shares
0
0
0

Mini Croissant me çokollatë

Këto mini croissant janë zgjidhja më ë shpejtë kur duam diçka të ëmbël. Të përgatitur më brumin sfoglia, recetë e ngjashme me brioche me nutella. Për këtë recetë mund të përdoret edhe brumi sfogliat i gatshëm nëse nuk e keni përgatitur më parë, recetën e gjeni tek kategoria recetat bazë.
0 Shares
0
0
0

Receta për krep me nutella

Krep ose siç i thonë francezet crêpe janë flet të holla brumi, të pjekura mbi një piaster te nxehtë. Ato mund të shërbehen me mbushje të ndryshme të ëmbela (si Nutella, mjalt ose reçel) apo dhe të kripura (djathë, proshute ose perime). Ato shërbeheshin në datën 2 Shkurt dhe kur hapej në piaster, zakonisht shprehej një dëshirë. Duke lene mbrapa historinë le të shikojmë recetën e tyre. Baza e përgatitjes për të dyja llojet është pothuajse e njëjtë. Ja se çfarë na duhet për të pergatitur disa krep.
0 Shares
0
0
0