Kjo është një recetë shumë e thjeshtë për të përgatitur ëmbëlsire kek e lehtë. Kjo është një nga ëmbëlsirë që përgatitet në ishujt dhe brigjet afrikane.
Ëmbëlsirë kek me arre kokosi
Sasia: 6 persona
Përbërësit
- 125 gr gjalpë i bute
- 150 gr sheqer
- 3 kokrra veze
- 75 gr miell
- 125 gr miell arre kokosi
- 2 shkopinj vanilje 1-2 pako pluhur vanilje
- 1 filxhan kafe rum fakoltative
Përgatitja
- Në një enë hedhim gjalpin e bute së bashku me sheqerin. Me rrahësin elektrik ose me rrahëse te thjeshte i përziejmë së bashku. Shtojmë vezët një e nga një duke trazuar.
- Në hapin tjetër, shtojmë miellin e situr mirë. Shtojmë edhe vaniljen dhe pak rum ( nëse ju pëlqen) dhe në fund arrën e kokosit.
- Pasi i kemi përzier mirë të gjithë përbërësit, hedhim masën e përgatitur në një tavë të lyer paraprakisht me gjalpë për të evituar ngjitjen.
- Ëmbëlsirën e fusim në furrë të nxehte paraprakisht në 180 gradë C. Pjekja duhet të zgjasë rreth 30-35 minuta (në varësi të furrës).
- Pas pjekjes ëmbëlsirën kek e lemë të ftohet dhe më pas i hedhim siper arre kokosi te grire. Ndajmë kekun në copa në formë kubi dhe e shërbejmë.
