Krepa mbushur me Luleshtrydhe

81 Shares
81
0
0
Kemi parë recetën krepa mbushur me çokollatë dhe krepa integral. Në këtë periudhe të vitit ju këshillojmë të provoni krepa mbushur me luleshtrydhe. Një shije delikate dhe nuk ju merr shumë kohë në përgatitje.

Krepa mbushur me Luleshtrydhe

Prep Time15 mins
Cook Time5 mins
Total Time20 mins
Course: Snack
Cuisine: French
Keyword: embelsire
Sasia: 4 persona
Kalori: 160kcal

Përbërësit

  • 300 gr luleshtrydhe
  • 500 ml qumësht
  • 250 gr miell
  • 50 gr gjalpë
  • 3 kokrra vezë
  • pak kripë
  • 50 gr sheqer
  • 50 gr sheqer pluhur
  • lëngu i gjysmë limoni

Përgatitja

  • Si fillim përgatisim mbushjen për krepa, pasi duhet të pushojë rreth 1 orë. Luleshtrydhet i lajmë në ujë të rrjedhshëm dhe i pastrojmë nga bishtat. Më pas i ndajmë në disa pjesë dhe i hedhim në një enë se bashku me sheqerin. Shtrydhim sipër lëngun ë gjysmë limoni dhe i vendosim të pushojnë në frigorifer.
  • Për përgatitjen e krepave mund të lexoni receta bazë për krepa e cila ka një shpjegim më të detajuar.
  • Në një enë përgatisim masën për krepa duke hedhur miellin dhe pak kripë. Duke trazuar shtojmë qumështin dhe vezët e rrahura me pirun. Rrahim masën për krepa në mënyrë qe mos të formohen kokrriza. Shkrijmë gjalpin dhe e hedhim masës së formuar. E lëmë të pushojë për disa minuta.
  • Nxehim enën për krepa dhe hedhim nga masa për krepa derisa të formohet një shtresë e hollë. Pjekim krepat për 2/3 minuta në të dyja anët. Vazhdojmë kështu me të gjithë masën për krepa mbushur.
  • Nxjerrim luleshtrydhet e përgatitura më parë dhe në çdo krep që përgatitëm shtojmë 2 lugë nga frutat dhe i mbyllim. Mund të formojmë edhe role me krepat.
  • I vendosim në pjatë krepa mbushur dhe shtojmë sipër dhe disa luleshtrydhe të tjera dhe pak nga lëngu i formuar. Hedhim sheqer pluhur sipas dëshirës dhe i shpërbejmë.

Receta për krepa baze, krepa me perime ose krepa integral

Ju bëftë mirë!

81 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Krem çokollate (krem ganash)

Kremi ganash është një lloj kremi me përbërje çokollate e pana, i cili gjen një përdorim të gjerë në pastiçeri. Me të mund të zbukurojmë e mbushim torta të ndryshme, por mund edhe ta shijojmë ashtu siçështë duke i hedhur sipër biskota të shtypura ose lajthi e arra.

Banane e Karamelizuar – Flambé

Banane e karamelizuar apo flambé siç mund të njihet ndryshe, është një recetë gatimi e veçante dhe e thjeshte për tu përgatitur. E veçanta e kësaj recete është se mund të përdorim edhe bananet më të vjetra.

Pekmez mëni

Përgatitja e pekmez mëni është një traditë e vjetër shqiptare. Pekmezi se bashku me një luge tahini, e benë mëngjesin plote shijë. Lexoni se çfarë ju nevojitet për një pekmez sa më cilësorë.

Ëmbëlsirë me dardhë dhe karamel

Një recetë gatimi perfektë për një ëmbëlsirë me dardhe super të shijshme. Hapat që duhet të ndiqni për përgatitjen e ëmbëlsirës janë të thjeshta, por rezultati mahnitës.

Receta për Bonbone

Para shumë vitesh, tregu shqiptarë nuk kishte kaq karamele e çokollata sa ka tani. Dhe nënat bënin të pamundurën për të kënaqur dëshirat e fëmijëve. Me ato pak përbërës që gjendeshin në atë kohë mundoheshin të realizonin receta të shijshme. Një nga këto receta ishin edhe bonbonet. E kush nuk e kujton erën e karamelit që mbushte gjithë shtëpinë. Këto bonbone të bëra thjesht me qumësht, sheqer e pak gjalpë ishin një festë për gjithë familjen.