Makarona spaghetti me lakra të egra

30 Shares
30
0
0
Makaronat janë një pjatë e shpejtë dhe e thjeshtë për tu përgatitur. Mund ti gatuajmë në mënyra të ndryshme. Ne sot ju propozojmë një recetë ku makaronat i përziemë me lakra të egra të cilat jo shumë persona mund ti pëlqejnë veçantë. Por të përgatitura me makaronat, janë me të vërtetë të shijshme.

Makarona spaghetti me lakra të egra

Përbërësit

  • 400 gr spaghetti
  • 600-700 gr lakra të egra
  • 1-2 thelpinj hudhre
  • pak spec djegës i freskët
  • 2-3 domate të freskëta
  • pak kripë
  • pak vaj ulliri
  • pak djath parmixhan të grirë

Përgatitja

  • Lajmë mirë lakrat në ujë të rrjedhshëm. I vendosim të ziejnë në një tenxhere me ujë të bollshëm. I hedhim pak kripë dhe i lejmë të ziejnë për disa minuta.
  • Marrim një tigan, i hedhim pak vaj, hudhrën e grirë hollë, pak spec djegës. I vemë në zjarr të ngadaltë, i kapërdisim pak. Hedhim më pas lakrat e kulluara.
  • I kapërdisim mirë e më pas hedhim domatet e grira. Shtojmë pak kripë dhe i mbulojmë me kapak. Ndërkohë në ujin që kemi zier lakrat hedhim makaronat. Kur të jenë zier i kullojmë dhe i bashkojmë me salcën e përgatitur.
  • I trazojmë mirë dhe më pas i hedhim në pjata dhe i shërbejmë me parmixhan të grirë sipër.

Ju bëftë mirë

30 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Makarona në furrë

Kjo recetë është një pjatë me të vërtetë shumë e shijshme. Në fakt mund ta quajmë një tortë makaronash dhe mund ta shërbejmë si pjatë të vetme pasi është e pasur me shumë përbërës. Ne kemi përdorur makarona të shkurtra (pennette),por ju mund të përdorni llojin e makaronave që ju pëlqen.Kjo është dhe një recetë për të ricikluar makaronat e mbetura më parë.

Makarona Petë dhe Jufka përgatitur në shtëpi

Makarona Petë dhe Jufka përgatitur në shtëpi janë shumë të shijshme. Thjeshtësia e kësaj pjate, nxjerr ne pak delikatesën e makaronave me veze, por edhe shoqërimi me salca baze si me domate, kërpudha, tartuf apo arra dhe djathë shtojnë akoma më shume varietetin e shijeve.

Makarona me krem bizele dhe kungulli

Makaronat me krem bizele e kungulli janë një pjatë e parë shumë e shijshme. Kjo recetë është shumë e mirë edhe për fëmijët që nuk pëlqejnë perimet sepse këto të fundit janë të grira në kremin e përgatitur. është një pjatë e shpejtë dhe e pëlqyer nga gjithë familja.