Makarona në furrë

Kjo recetë është një pjatë me të vërtetë shumë e shijshme. Në fakt mund ta quajmë një tortë makaronash dhe mund ta shërbejmë si pjatë të vetme pasi është e pasur me shumë përbërës. Ne kemi përdorur makarona të shkurtra (pennette), por ju mund të përdorni llojin e makaronave që ju pëlqen.

Kjo është dhe një recetë për të ricikluar makaronat e mbetura më parë.

Makarona në furrë

Prep Time10 minutes
Cook Time30 minutes
Total Time40 minutes
Course: First plate
Cuisine: Italian
Keyword: makarona
Sasia: 5 persona
Kalori: 230kcal

Përbërësit

  • 400 gr makarona të shkurtra
  • 1 kg patëllxhanë
  • 200 gr domatë të vogla
  • 300 gr proshutë e pjekur
  • 250 gr djathë i tymosur
  • 100 gr mozzarella
  • 200 gr djathë parmixhan i grirë
  • 5-6 gjethe borziloku i freskët
  • 1 thelbi hudhre
  • vaj ulliri
  • kripë
  • piper

Përgatitja

  • Si fillim lajmë e presim patëllxhanët në feta. I lyejmë fetat me vaj ulliri nga të dyja anët dhe i kalojmë në zgarë të piqen.
  • Ndërkohë vendosim në një tenxhere ujë dhe pasi ka zier hedhim kripë e më pas makaronat. I ziejmë më pak se koha e duhur pasi do të përfundojnë pjekjen në furrë.
  • Në një tigan përgatisim salcën duke hedhur pak vaj ulliri e hudhrën. Pasi është nxehur vaji heqim hudhrën dhe hedhim domatet e vogla të prera pak kripë e pak piper. I kavërdisim pak. Fikim zjarrin dhe shtojmë borzilokun, proshutën e prerë në copa të vogla.
  • Ndërkohë pasi janë zier makaronat i hedhim në një enë të madhe ku shtojmë salcën e përgatitur, djathin e tymosur e mocarelën të prerë në copa dhe djathin e grirë. I përziejmë mirë me kujdes.
  • Në një tavë vendosim letër kuzhine dhe shtrojmë fetat e patëllxhanit më pas shtojmë makaronat. Sipër i hedhim djathë të grirë dhe i vendosim të piqen në furrë të ventiluar 200°C përreth 20-30 minuta.
  • Më pas e heqim nga furra, e lemë të ftohet pak dhe përmbysim tortën e makaronave në një pjatancë. E presim në copa dhe e shërbejmë të ngrohtë.

Ju bëftë mire!

Nëse keni pyetje apo sygjerime mbi receta gatimi, na shkruani ne hapësirën e komenteve me poshtë.

0 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Makarona shtëpie me patate

Këto makarona shtëpie mund të shërbehen thjesht të spërkatura me gjalpë. Kjo pjatë është shumë e pëlqyeshme jo vetëm nga të rriturit por edhe nga fëmijët. Duke pasur si bazë pataten, kjo pjatë është me shumë vlera ushqimore të domosdoshme për trupin tonë.

Makarona spaghetti me lakra të egra

Makaronat janë një pjatë e shpejtë dhe e thjeshtë për tu përgatitur. Mund ti gatuajmë në mënyra të ndryshme. Ne sot ju propozojmë një recetë ku makaronat i përziemë me lakra të egra të cilat jo shumë persona mund ti pëlqejnë veçantë. Por të përgatitura me makaronat, janë me të vërtetë të shijshme.