Rolè me vezë dhe spinaq

Nerti
  • 22/10/2019
Kjo është një pjatë e shijshme, delikate dhe e lehtë për tu përgatitur. Mund të jetë edhe një alternativ si pjatë e dytë për personat vegjetarianë sepse nuk përmban mish.

Rolè me vezë dhe spinaq

Sasia: 0

Përbërësit

  • Përbërësit për omëletën

  • 6 vezë
  • 1 lugë djath parmixhan i grirë
  • pak kripë
  • pak majdanoz i grirë

  • Përbërësit për mbushjen

  • 1 kg spinaq i freskët
  • 2 lugë gjizë pa kripë rikota
  • 1 lugë djath parmixhan
  • 1 mocarela

Përgatitja

  • Fillojmë me përgatitjen e omëletës, thyejmë vezët në një enë, i rrahim me një pirun, më pas shtojmë të gjithë elementët e tjerë, kripën, parmixhanin dhe majdanozin. I rrahim bashkë.
  • Marrim një tepsi drejtkëndëshe, të madhe, i shtrojmë një letër furre dhe mbi të hedhim masën e përgatitur. Tava duhet të jetë e madhe për arsye që omleta s'duhet të jetë e trashë. E fusim ne furrë 200° C për 15-20 minuta. Pasi e heqim nga furra e lëmë të ftohet për disa minuta.
  • Ndërkohë, përgatisim spinaqin. Pasi e kemi larë mirë, e hedhim në një tenxhere me gjysmë gote ujë dhe pak kripë dhe e lëmë te ziejë. Më pas e kullojmë dhe e hedhim në një enë ku shtojmë gjizën dhe parmixhanin.
  • Marrim tavën me omëletë, sipër i shtrojmë spinaqin e përgatitur dhe sipër spinaqit shtojmë mocarelën e prerë në copa të vogla. Me ndihmën e letrës së furrës, mbyllim me kujdes rolenë, e mbyllim dhe anash me kujdes duke i dhënë formën e një 'karameleje'. E fusim ne furrë për 15 minuta.
  • Më pas e heqim nga furra, e lëmë disa minuta të ftohet e pastaj i heqim letrën e furrës, e presim ne feta dhe e shërbejmë të ngrohtë.

Notes

Ju bëftë mirë!

In this article:
,,,
0 Shares
WhatsApp 0
Facebook 0
Facebook Messenger 0
X (Twitter) 0
Pinterest 0
Mail 0
Post written by:
E pasionuar pas kuzhines shqiptare dhe asaj te huaj, sjell për ju përmbledhje me receta gatimi.
Follow
8 comments

  1. Nëse doni të luftoni obezitetin perdoreni këtë recetë. Mua më pelqen shumë kjo recetë. Provojeni edhe ju!

    Përgjigjuni
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Perime në Avull

Perimet bëjnë shumë mirë për shëndetin tonë, sepse përmbajnë vitamina nga më të ndryshmet. Duhet ti konsumojmë sa më shumë gjatë vakteve. Perimet, në çfarë do lloj mënyre i gatuajmë, nuk duhen të jenë shumë të ziera sepse humbasin të gjitha vlerat ushqyese. Zierja në tenxhere me avull është mënyra më e mirë e më e shëndetshme për të gatuar perimet dhe jo vetëm. Në këtë mënyrë perimet nuk janë në kontakt me ujin dhe ruajnë të gjitha vlerat ushqyese.
0 Shares
0
0
0

Mish me surprizë

Kjo pjatë është një pjatë e dytë, por fare mirë mund të përgatitet dhe për një aperitiv. Ju ka qëlluar ndonjëherë që të keni gatuar shumë dhe ditën tjetër nuk dini se ç'të bëni me gjithë ushqimin e mbetur? Kjo është një nga ato receta që riciklon atë që na ka mbetur në frigorifer. Ne në këtë recetë kemi përdorur rolenë e pulës, por ju fare mirë mund të vini cdo lloj mishi që keni për momentin, mund të vini në vend të proshutës sallame të ndryshëm. është një recetë e shpejtë dhe e shijshme.
0 Shares
0
0
0

Petulla të shpejta

Petullat janë vërtet të shijshme kur i shijon të sapo gatuara me mjaltë sipër e kanellë. Janë të shumta recetat e petullave, por ne sot po ju sugjerojmë një recetë shumë të shpejtë e të thjeshtë. Mund ta gatuani në mëngjes apo pasdite për familjen tuaj.
15 Shares
0
0
15

Tavë me kërpudha shoqëruar me salcë djathërash – MasterChef Albania

Pressure test quhet prova e radhës, një test nën presion. Në këtë test duhet të gatuajmë një pjatë ku përbërësi kryesor duhet të jetë kërpudha. Koha në provat e programit Masterchef Albania është shumë e limituar, duhet të shtojmë edhe emocionet, tensionin dhe faktin që gatuan përpara shefave të vërtetë dhe të gjitha këto bëjnë që ndonjëherë të mos arrish rezultatin e dëshiruar
0 Shares
0
0
0

Purè patate

Pureja e patates është një pjatë e shijshme si për fëmijët dhe për të rriturit. Kjo recetë që ne japim është shumë e thjeshtë dhe e shpejtë. Zakonisht për të bërë purenë, patatet zihen më parë me gjithë lëkurë, më pas qërohen dhe kalohen në makinerinë e duhur për të bërë purenë, e pas kësaj zihen me qumësht. Por jo të gjithë mund ta kenë këtë makineri, e për të shkurtuar edhe kohën e përgatitjes kemi menduar të propozojmë recetën e mëposhtëme.
0 Shares
0
0
0