Kjo është një pjatë për gjithë familjen. E kush nuk i pëlqen qoftet!Në këtë recetë ne japim një mënyrë të veçantë për ti përgatitur ato: një qofte rolè e mbushur brenda me djathë e proshutë. Një recetë e shpejtë dhe sidomos e shijshme.
Super Qofte e mbushur
Sasia: 0
Përbërësit
Përbërësit për qoften
- 800 gr mish viçi i grirë
- tre-katër feta buke te thatë
- 1 kokërr vezë
- 2-3 thelpinj hudhre
- 1 kokërr qepë
- pak kripë
- pak piper
- pak majdanoz
- pak rigon
Per mbushjen brenda
- 100 gr proshutë<
- 100 gr mortadela
- 100 gr djathe i prerë në feta tip ementaler
Përgatitja
- Në një enë të madhe përziejmë mishin me bukën e thatë të grirë. Pastaj hedhim edhe qepën e grirë hollë, hudhrën, vezën dhe erëzat e grira.
- I përziejmë mirë, pastaj i japim masës së përgatitur një formë të rrumbullakët dhe e lemë për pak kohë kështu,( gjysëm ore ose dhe një orë), në këtë mënyrë përzihen më mirë të gjitha aromat.
- Pastaj marrim një letër furri e mbi të shtrojmë qoften, e shtypim me dorë derisa të marrë formën e një pete, dhe sipër i shtrojmë proshutën, mortadelën dhe djathin.
- Pastaj fillojmë ta mbyllim me kujdes me ndihmën e letrës së furrit, e bëjmë si një karamele dhe e pjekim ne furrë 180° për një orë.
- E nxjerrim nga furra, e lemë të ftohet pak e pastaj e presim në copa.
Notes
Ju bëftë mirë
13 comments
JE SHUME E FORTE E DASHUR. VAZHDO KESHTU………………BRAVISSMA
Shume faleminderit….
Tila, po na hap oreksin…jo per gje por po vjen vera dhe duhet te rrime pak ne diete!
bravo
Shume faleminderit! Vazhdoni te na ndiqni si gjithmone.
A din dikush te me tregoj si behen qebapat?Kush din ju lutem ta shkruaj receptin.Qebapat jan specialiteti numer nje ne Kosove.
a mund te me tregoni se qfare eshte mortadela
Mortadela eshte nje lloje sallami i cili sherbehet i prere ne feta shume te holla.
Merret 1kg mish i grire,i i cili kalohet per te dyten here ne makinen grirese,se duhet ,ie jete sa me i imet,pastaj qepa po e grire shume holle ,,i hellim niseshte,,veze,ereza sipas deshires,qe brumi te bashkohet qe te jete i forte,,i hellim nje solucion qe quhet Lillcei cili blihet te neranxi,,i hellim nje luge kafe lillce jo me shume ,,pastaj ushtrojme shume force per te bere brumin e Qebabve sa te na dalin djersa,se brumi duhet te behet i forte,pastaj lyejme duart me val ulliri,dhe lyejme brumin nga jashte e leme ne frigorifer te fresku .dhe me vone e perdorim.
pershendetje,, ju lutem me tregoni ,, si pergaditet bakllava ,, me pet ,, te bleme,, dmth me pet te gatshme si shkon procedura e saj ju lutem me shkruani ,,
Lexoje nen kategorin Embelsira Adela!
per bakllavan na duhen.
arra gjysem kg
gjalp gjysem kg
1 filxhan kafe vaj
pak kanell.vanilje
per shurupin duhet.
1.5 kg sheqer
uje 2 kg
llogarisim petet qe bakllavaja te dale me tre shtresa
shtrojme shtresen e pare hedhim arrat
shtrojm shtresen e dyte hedhim arrat
hedhim dhe shtresen e trete ,dhe e presim ne form rombi ose ne forme luleje e vem per ta pjekur filimisht 50 .0c 1 ore pastaj rritet temperatura deri ne 180.0c per tre ore .nderkohe kemi vene shurupin e leme te zieje derisa te trashet para se ta heqim nga zjarri i hedhimkanellen edhe vaniljen bakllavaja duhet te jete e ftohte ndersa shurupi i nxete por ti ket rene pak vala ,shpresoj tu kem ndihmuar.
Faleminderit Hasani!