Masa e përbërësve në këtë receta është matur me gotën e kosit të frutave, kështu në bazë të saj janë dhënë të gjitha masat.
Tortë me luleshtrydhe dhe copa çokollate
Sasia: 0
Përbërësit
- 400 gr luleshtrydhe
- 1 gotë me kos luleshtrydhesh
- 2 gota sheqer
- 3 gota miell
- 1 gotë vaj luledielli
- 3 vezë
- 1 pako me maja pluhur për ëmbëlsira
- 1 pako vanilje pluhur
- 1/2 gote qumësht
- disa lëkura të grira të një limoni
- 100 gr opa çokollate
Përgatitja
- Si fillim pastroni e lani luleshtrydhet. Filloni ti prisni në copa por mos harroni të lini disa nga ato për zbukurimin sipër. Vendosini luleshtrydhet e prera në copa në një tenxhere të vogël, hidhni në të edhe një lugë sheqer e një lugë ujë.
- Vendosni tenxheren të ziejë për disa minuta duke pasur kujdes që ti trazoni shpesh. Më pas griheni me grirësin elektrik derisa të masa të bëhet si krem.Lëreni të ftohet.
- Në një enë qelqi filloni të rrihni vezët me sheqerin derisa të arrini një masë të fryrë. Më pas shtoni pak nga pak kosin me luleshtrydhe e vajin. Trazojini mirë. Më pas shtoni miellin e bashkuar me vaniljen e majanë duke e alternuar me qumështin.
- Përziejeni me kujdes me një lugë druri. Më pas shtoni kremin e luleshtrydhes (duke lënë 1/2 gote për pjesën sipër) dhe copat e çokollatës. Bëni kujdes që të bashkohen mirë me gjithë masën. Hidhni përgatitjen në një tavë të rrumbullakët dhe piqeni në furrë të nxehtë 180°C përreth 40 minuta.
- Kur torta të jetë pjekur lëreni të ftohet e më pas hidhni sipër kremin e luleshtydhes dhe zbukurojeni me luleshtrydhe të plota e çokollatë.
- Shërbeni tortën të prerë në copa e mund ta shoqëroni sipas dëshirës me një liker.
Notes
Ju bëftë mirë
14 comments
Ju pergezoj per punen qe beni.
Desha te pys gotat me sheqer,me vaj dhe miell sa ml i kanë?
Pres pergjigjien tuaj!
Egzona te falenderojme per komplimentat. Ne kete recete kemi perdorur goten ose vazon e kosit te frutave ( ato qe shiten ne supermarket) qe zakonisht jane 120 gr. Por nese do, mund te perdoresh si mase edhe nje gote plastike. shpresoj te te kemi ardhur ne ndihme.
Po,faleminderit shum.
Vazhdoni me kesi lloje recetash se me te vertet me keni ndihmuar rreth kuzhines pasi jam nje fillestare.
Punë sa me te lehtë,kam shum respekt per ju.
Faleminderit Egzona. Mundohemi ti bejme recetat sa me te thjeshta qe te mund ti gatuajne te gjithe. per çdo sqarim mund te na shkruash pa hezitim. gjithe te mirat!
PERSHENDETJE : KJO TORTE MUND TE PERDORET DHE PER NJE DITELINDJE ? NESE JO ME DERGONI NJE RECETE TORTE ME COKOLLAT .
PRES PERGJIGJEN TUAJ!
po si jo more per ditlindje temen qite
Patjeter Klaudia, mund ta pergatisesh edhe per torte ditelindje, eshte shume e bukur ne pamje dhe e shijshme.
Nese do dhe nje torte me super cokollate mund te pergatisesh edhe torten e meposhtme.
http://www.artigatimit.com/2012/05/torte-super-cokollate/
Shpresoj te te kem ardhur sadopak ne ndihme. Mund te na shkruash per cdo sqarim.
Komplimente te veqanta per Arti i Gatimit kjo torte eshte e mrekullueshme
Shume faleminderit Kaltrina. Vazhdoni te na ndiqni e na shkruani per çdo gje.
sigurisht une qdo dite e ndjek arti i gatimit dhe jam mesuar shume mire te gatuaj
Per cdo te paqarte mund te na shkruash.
me pelqene shumeeeee recetat e artiti te gatimit e ndjeki cdo dit kete faqe dhe jam shume e kenaqur nga ju asnjehere mos u dorzoni vazhdoni keshtu ju lumt
Shume faleminderit!
a jeni mir desha te pyes se si marohen bombicat pres pergjigjen tuaj sa me shpejt