Kremi i gjalpit është shumë i përdorur në pastiçeri. Ky lloj kremi përdoret për të mbushur torta të ndryshme, ëmbëlsira të vogla siç janë cupcake ose ato pastat e vogla që ishin shumë të përhapura në Shqipëri përpara shumë vitesh.
Krem gjalpi
Sasia: 0
Përbërësit
Për 300 gr krem gjalpi
- 175 gr gjalpë duhet të jetë në temperaturë ambienti
- 150 gr sheqer
- 50 ml ujë
- 6 të verdha vezësh
- pak vanilje pluhur
Përgatitja
- Si fillim hedhim sheqerin në një tenxhere me fund të trashë. Shtojmë edhe ujin. I vendosim në zjarr të ngadaltë duke i trazuar vazhdimisht. Duhet ta lëmë në zjarr derisa sheqeri të arrijë temperaturën 120°C.
- Ndërkohë hedhim në një enë vezët dhe fillojmë ti rrahim me rrahësin elektrik. Hedhim ngadalë shurupin e sheqerit duke vazhduar ti rrahim derisa përbërja të jetë ftohur. Më pas shtojmë edhe gjalpin e vaniljen. Vazhdojmë ti rrahim mirë derisa të arrijmë një krem të vërtetë.
- Vendosim kremin e gjalpit në frigorifer deri në momentin që do ta përdorim.
