Sot po japim recetën per reçel fiku të cilin mund ta shijojmë edhe më vonë, kur në treg të mos e gjejmë më këtë frutë kaq të shijshëm.
Reçel Fiku
Sasia: 0
Përbërësit
- 1 kg fiq
- 800 gr sheqer
- 200 ml ujë
Përgatitja
Përgatitja e reçelit
- Në tenxhere hedhim ujin dhe sheqerin. I çojmë në zjarr. I trazojmë deri sa sheqeri të tretet dhe pasi kemi parë që sheqeri është tretur plotësisht, hedhim fiqtë të cilët më parë janë pastruar dhe larë.
- E mbulojmë tenxheren me kapak dhe e lëmë në zjarr të ngadaltë për gati 40 min. Pastaj e heqim tenxheren nga zjarri dhe lemë të ftohet.
- Mbas pesë orësh (ose ditën tjetër nëse nuk keni mundësi po atë ditë), e vendosim përsëri në zjarr tenxheren deri sa të shohim që masa brenda në tenxhere të mbulohet me flluska të ndritshme.
- E heqim nga zjarri dhe e lemë në tenxhere derisa reçeli të ftohet afërsisht deri në temperaturën 80 gradë. E hedhim në vazo qelqi dhe e mbyllim menjëherë me kapak.
- Ky reçel i përgatitur në këtë mënyrë rron në kushte normale deri në dy vjet.
Ju bëftë mirë nga ArtiGatimit!
Shënim:
Reçeli mund të përgatitet në dy forma: fiq kokërr ose fiqtë të grirë dhe reçeli del si marmelatë.
