Receta për Xupa

Stafi AG
  • 22/10/2019
Xupa është një ëmbëlsirë shumë e njohur në vendin tonë. Përgatitja është shumë e thjeshte dhe me përbërës që gjenden fare lehtë. Pasi të keni provuar version bazë, përdorni fantazinë për të shtuar përbërës të tjerë.

Receta për Xupa

Sasia: 0

Përbërësit

  • Për Pandespanjën

  • 40 gr sheqer
  • 50 gr miell
  • 2 kokrra vezë
  • pak shurup ose uje me sheqer

  • Për Kremin

  • 200 gr sheqer
  • 75 gr miell
  • 3 kokrra veze
  • 500 ml qumësht
  • 1 e bardhe e vezës
  • 100 gr reçel rrushi ose qershie
  • 100 gr arra te grira
  • 1 pako vanilje
  • pak kakao sipas dëshirës
  • pak kripë

Përgatitja

  • Në fillim përgatisim pandispanjën duke rrahur vezët në një enë qelqi. Pasi masa të fryhet shtojmë sheqerin dhe e trazojmë derisa të shkrihet komplet. Mund të përdorim mikserin elektrik. Hedhim më pas miellin dhe vazhdojmë e trazojmë me ngadalë.
  • Në një tavë shtrojmë letër furri (ose lyejmë tavën me gjalpë). Marrim masën dhe e hedhim në tave që të formohet një shtresë e hollë. Nëse preferoni mund të formoni rrathë në dimensionin e kupave që keni. E pjekim në furrë derisa të marri ngjyrë sipër, temperatura 200°C.

  • Përgatitja e Kremit per Xupat

  • Rrahim vezët me sheqerin në një enë qelqi. Pasi të formohet një shkumë dhe sheqeri të tretet komplet shtojmë miellin. Pas kësaj shtojmë qumështin e ngrohtë. Masën e vëmë në zjarr dhe e trazojmë vazhdimisht.
  • Sapo masa të filloj të trashet, e heqim nga zjarri menjëherë. Hedhim vaniljen dhe e trazojmë.
  • Nëse dëshironi një pjesë të kremit mund ta përzieni me kakao.
  • Marrim gotat e Xupës dhe hedhim pak krem në fundin e saj. Më pas vendosim një shtresë pandispanjë të cilën e kemi lagur me shurup (ose pije Brandy). Hedhim sipër disa arra dhe pak reçel. Pas kësaj hedhim dhe një shtresë tjetër me krem. Mund të vazhdoni kështu deri lart në buzën e gotës.
  • Në një enë tjetër, rrahim të bardhën e vezës me pak kripë. E hedhim masë në një kaush kuzhine dhe e mbulojmë sipërfaqen e gotës.
  • Sipër i shtojmë dhe pak reçel dhe disa arra të grira. Xupat i vendosim në frigorifer disa orë përpara se ti shërbejmë.

Notes

Përgatitja e Pandispanjës

Ju bëftë mirë nga ArtiGatimit.com!

receta-gatimi-zupa-gatuaj-xupa-embelsira-shqiptare-a

receta-gatimi-zupa-gatuaj-xupa-embelsira-shqiptare-e

In this article:
,,,,,
1 Shares
WhatsApp 0
Facebook 0
Facebook Messenger 0
X (Twitter) 0
Pinterest 1
Mail 0
Post written by:
Receta gatimi nga Kuzhina Shqiptare
Follow
5 comments
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Receta Bazë për Krepa

Krep ose siç i thonë francezet crêpe janë flet të holla brumi, të pjekura mbi një piastër te nxehtë. Ato mund të shërbehen me mbushje të ndryshme të ëmbla (si Nutella, mjalt ose reçel) apo dhe të kripura (djathë, proshute ose perime)
18 Shares
0
0
18

Trilece

Trilece është një ëmbëlsirë shumë e mirë sidomos për fëmijët. KJo lloj ëmbëlsire është shumë e njohur në Amerikën Latine dhe thuhet që origjinën e ka pikërisht atje, nga merr edhe emrin 'tres leches', ( dmth. tre lloj qumështi). Trilece është një pandispanjë e lagur me qumësht dhe me karamel
46 Shares
0
0
46

Biskota me dy ngjyra

Biskotat janë ëmbëlsirat më të thjeshta për tu përgatitur. Këto biskota me dy ngjyra janë shumë te veçanta. Kakao e përdorur në recetën e këtyre ëmbëlsirave jep një kontrast të këndshëm.
0 Shares
0
0
0

French Macarons – Receta Baze

French Macaron janë ëmbëlsira të vogla me origjinë franceze. Këto ëmbëlsira përgatiten me pak përbërës, me bazë meringe, miell bajamesh, të bardha veze dhe sheqer pluhur. Ajo që i bën të veçanta është se mund të kenë ngjyra të shumëllojshme si dhe shije të ndryshme.
0 Shares
0
0
0