Si të gatuajmë Cappuccino Cake. Receta e dërguar nga Edlira M.
Cappuccino Cake
Sasia: 0
Përbërësit
- 250 gr gjalpë
- 250 gr sheqer
- 300 gr miell
- 4 kokrra vezë
- 100 gr arra të grira
- 200 ml kafe të fortë e ftohtë
- 1 pako maja për ëmbëlsira
Per kremin
- 500 gr maskarpone
- 2 luge çaji sheqer
- pak kakao
Përgatitja
- Rrahim gjalpin dhe sheqerin derisa të formohet një masë kremoze. Shtojmë vezët dhe miellin dhe vazhdojmë ta trazojmë derisa të bëhet masë e njëtrajtshme. Shtojmë arrat dhe gjysmën e kafesë.
- I hedhim masat në 2 tepsi të vogla dhe i vendosim për të pjekur gati 25 min në temperaturën 180°C. Pas pjekjes i lemë dhe 5 min në tavë pastaj i heqim.
- Të dyja pjesët i lagim me kafe të sheqerosur. Maskarponen e rrahim me sheqer dhe kafen e mbetur derisa të bëhet kremoze. Gjysmën e kremit e vendosim në mes dhe pjesën tjetër në pjesën e sipërme. E dekorojmë me kakao në momentin kur do ta shërbejmë.
