Konkursi Gatimit
2 komente

Omlet me spinaq

omlete-veze-konkursi-gatimit-artigatimit-foto-cover-contest-free-gift-recipe-receta-gatimi

Receta e dërguar nga Rina K. dhe e vlefshme për Konkursin e Gatimit. Kjo është një pjatë mëngjesi, e zgjodha për arsye se është shumë e lehtë për tu përgatitur e po ashtu edhe shumë e shëndetshme.

Përbërësit për Omlet me spinaq


  • 200 gr spinaq

  • 1 qepe e mesme

  • 1 hudhër

  • 9 kokrra vezë

  • 1+1/2 filxhan qumësht

  • 100 gr djathë parmigiano

  • 2 domate

  • 3 copa djathë dhie (ose ndonjë lloje tjetër)

  • 1 lugë vaj ulliri

  • pak kripe

  • pak piper të zi


Përgatitja

Ngrohim paraprakisht furrën në 200 °C. Hedhim spinaqin ne një tigan me ujë dhe e mbulojmë me kapak dhe e vëmë në zjarr për pak minuta. Pasi të zihet e kullojmë dhe e lëmë mënjanë.
Në një enë përziejmë së bashku vezët e rrahura, qumështin dhe djathin parmigiano. Shtojmë domatet e copëtuara, hedhim kripë dhe piper të zi.
Fërgojmë qepën me vaj ulliri në një tigan për 4-5 minuta. Shtojmë hudhrën dhe spinaqin e zier më parë. Spinaqin e bashkojmë me masën me vezë e qumësht dhe i përziejmë të gjitha së bashku.
Masën e përgatitur e hedhim në një tavë. Hedhim djathin e dhisë mbi omlet dhe e fusim tavën në furrë. Piqet për 13-15 minuta, derisa omleti të fryhet dhe të fitojë një ngjyrë të artë. E nxjerrim nga furra, e lëmë të ftohet për pak minuta dhe e shërbejmë.

omlete-konkursi-gatimit-artigatimit-foto-cover-contest-free-gift-recipe-receta-gatimi

Ju bëftë mirë dhe mos harroni të votoni për këtë recetë duke klikuar mbi butoni “Like”

2 Comments

  1. yll ka says

    te me fali kjo zonja,po ku shkon kjo omleta me 9 Veze per mengjes?!

Shkruani komentin tuaj - Komente