Peshk në furrë me perime

Për recetën peshk në furrë me perime, kemi zgjedhur peshk merluc. Një peshk i shijshëm dhe me shumë vlera ushqimore. Sipas një studimi të kryer, peshku merluc ka veti të shëroje plagët kronike.

Peshk në furrë me perime

Përbërësit

  • 2 persona
  • 400 gr peshk
  • 1 patëllxhan
  • 1 kungulleshkë
  • 2 speca të ngjyrave të ndryshme
  • 1 filxhan kafe galet
  • arra të grira
  • majdanoz
  • kopër
  • nenexhik mëndrëz
  • selino
  • kripë
  • piper
  • vaj ulliri
  • 1/2 limon

Përgatitja

  • Pasi pastrojmë dhe lajmë peshkun, e spërkasim me kripë e piper. E kalojmë nga të gjitha anët në galetë të përzier me arra dhe e vendosim. Për të përgatitur galetën nevojitet bukë e thatë dhe i grijmë imët ne mikser. Më pas shtojmë dhe arrat.
  • Vendosim peshkun në tavë ku kemi shtruar një letër kuzhine. E spërkatim peshkun me vaj ulliri dhe e futim në furrë të para ngrohur në 200 °C për 15-20 minuta.
  • Ndërkohë përgatitim salcën. Në mikser hedhim majdanoz, nenexhik, kopër, selino, vaj ulliri, lëng limoni dhe i rrahim mirë, sa të bëhet një masë e plotë. Mund të përdorim një mikser kuzhine.
  • Hedhim salcën në pjatë dhe bëjmë gati perimet. Perimet e lara i presim në fije të holla tip julienne. Perimet i kaurdisim në tigan me vaj të nxehur për 5-6 minuta. Hedhim perimet në pjatë, mbi salcë dhe mbi to vendosim peshkun e pjekur në furrë. Sipër i hedhim pak arra të grira me thikë dhe pak salcë.
  • Peshk në furrë shoqëruar me perime është gati. Shtoni një gotë verë të bardhe dhe mos harroni të konsumoni peshk të paktën një herë në javë.

Notes

Përgatitja për peshk në furrë

peshk furre - receta gatimi - how to cook fish

Ju bëftë mirë nga Arti Gatimit

262 Shares
Lini një Përgjigje

Adresa juaj email s’do të bëhet publike.

Recipe Rating




You May Also Like

Stridhe me limon (Ostriche)

Stridhet apo goca e detit janë një nga frutat e detit më të mira, më të shijshme dhe afrozidiake. Në treg gjejmë disa lloj stridhesh, nga ato më e shtrenjta që kanë një guackë të rrumbullakët dhe të shtrirë, te ato më të lirat me guacka ovale dhe konkave.

Midhje të skuqura

Midhje janë vërtet të shijshme dhe interesante në formë. Mishi i tyre ndodhet brenda një guaske me dy kapakë. Këto produkte kanë vlera të mëdha ushqimore dhe sidomos në zhvillimin normal të trurit.

Peshk në skarë

Si të gatuajmë peshk në skarë në mënyrë të përsosur? Shoqëruar me disa perime mund të kthehet mënyra juaj e preferuar e gatimit të peshkut. Ky lloj gatim është ideal edhe për peshk tone, peshk shpat apo salmon.

Tavë me kallamar mbushur

Kallamar mbushur është një pjatë e dytë që mund të përgatitet në çdo stinë. Ajo që e bënë të veçantë këtë pjatë janë vlerat e pazëvendësueshme ushqimore, thjeshtësia e përgatitjes dhe shija

Si të gatuajmë sardele

Si të gatuajmë sardele në tenxhere me presion do të ishte titulli i plotë i recetës. Sardelet konsiderohen si një mik i mirë i shëndetit të njeriut. Këta peshq janë të mbushur me vlera ushqimore dhe shëndetësore të jashtëzakonshme, që i zgjatin jetën njeriut.