Antipasta (Meze)
Komente nga Fb - Shkruaj një koment

Kunguj mbushur në furrë

Përgatitja: 20 min - Pjekja: 30 min - Sasia: 4 Persona Persona

Frutat dhe perimet e stinës janë gjithmonë të rekomanduara. Kunguj mbushur me mish në furrë, është një tjetër recetë e kësaj stine.

Përbërësit për Kunguj mbushur në furrë


  • 4 kunguj

  • 50 gr mish i grirë

  • 2 vezë

  • 100 gr djathë parmixhan

  • 3 lugë gjelle galetë

  • arrë moskat

  • vaj ulliri

  • kripë

  • piper

Përgatitja

Lajmë kungujt të cilët duhet të jenë të njomë, u presim bishtat dhe i ndajmë në mes për së gjati. Me ndihmën e lugës i heqim zemrën çdo gjysme. Pjesën qe hoqëm e presim në kubik të vegjël dhe e hedhim në një enë.

Në enë shtojmë, vezë, mishin e grirë, gjysmën djathit grirë, galetë (bukë thekur grirë imët), kripë, erëza dhe pak vaj ulliri. Përbërësit i trazojmë sa të bëhet një masë.

Kungujt i radhitim në tavë ku kemi shtruar një letër kuzhine dhe i spërkatim me pak vaj e kripë.
Sipër hedhim nga mbushja që përgatitëm dhe pak djathë të grirë ne fund.
Tavën e futim në furrë të para ngrohur në temperaturën 200 °C për 30 minuta.

Kjo ishte receta për kunguj mbushur me mish dhe pjekur në furrë. Shumë e thjeshtë dhe e shpejtë për tu përgatitur. Nëse ju pëlqejnë recetat tona, abonohuni në njoftimet e faqes. Mjafton të shkruani adresën email në hapësirën më poshtë.

Ju bëftë mirë!

Receta Gatimi

Shkruani komentin tuaj - Komente