Receta për ëmbëlsirë kek me kungull është shpejtë për tu përgatitur dhe shumë e shijshme! Për këtë kek kemi përdorur kungull të verdhë, pasi karakteristikë e tij është se mund të bëhet brumë dhe i jep shumë butësi ëmbëlsirës.
Kek me kungull të verdhë
Sasia: 4 persona
Kalori: 340kcal
Video
Përbërësit
- 300 gr kungull të verdhë
- 250 gr miell
- 3 kokrra vezë
- 60 gr gjalpë
- 150 gr sheqer
- 50 gr niseshte
- 10 gr maja për ëmbëlsira
- 30 gr sheqer pluhur për dekor
Përgatitja
- Fillimisht kungullin duhet ta qërojmë, ti heqim bërthamat dhe ta presim në kube të vegjël. Në një tigan ku kemi hedhur pak gjalpë, shtojmë kungullin e prerë dhe e lemë të zbutet për rreth 10 minuta. Me pas me ndihmën e një grirësi kuzhine e grijmë derisa ta bëjmë brumë.
- Vazhdojmë me përgatitjen e kek me kungull. Në këtë pjesë na duhet një rrahës vezësh elektronik ose dhe ato rrahëset me dorë. Hedhim vezët së bashku me sheqerin dhe i rrahim derisa të arrijmë një mase të fryrë.
- Me pas në shpejtësi më të ulët shtojmë gjalpin. Në hapin tjetër hedhim kungullin e verdhë e bluar brumë.
- Përziejmë përbërësit e thatë së bashku, miellin, niseshtenë dhe majanë për ëmbëlsira. Hedhim përbërjen e thatë të situr në rrahësin se bashku me masën tjetër. I harrim për disa çaste derisa e gjithë përbërja të jetë homogjene.
- Lyejmë një tavë me pak gjalpë dhe miell dhe shtojmë masën e kekut. Tavën e vendosim në furrë të nxehur paraprakisht në temperaturën 180 °C dhe e pjekim për 40 minuta.
- Kek me kungull të verdhë është gati. E lëmë të ftohët dhe sipër shtojmë sheqer pluhur. E shërbejmë në copa pasditeve të shoqëruar më filxhan çaji.
Ju bëftë mirë!
