Kjo ëmbëlsirë me pjeshkë është ideale për ti dhenë shije ditëve të verës. Aroma e freskisë dhe butësia e kësaj ëmbëlsirë bën për vetë si të vegjlit edhe te rriturit.
Ëmbëlsirë me pjeshkë të karamelizuara
Sasia: 4 persona
Kalori: 120kcal
Përbërësit
- 500 gr pjeshkë
- 200 gr sheqer
- 200 ml qumësht
- 50 gr gjalpë
- 2 kokrra vezë
- 200 gr miell
- 5 g vanilje
- 1 pako maja për ëmbëlsira
Përgatitja
- I lajmë pjeshkat dhe i presim në feta gjysmëhëne. Në një tigan hedhim gjysmën sheqerin dhe e vendosim në zjarr të ulët të karamelizohet. Hedhim sheqerin e karamelizuar në një tavë dhe sipër vendosim pjeshkat e prera.
- Në mikser hedhim gjalpin e zbutur së bashku me sheqerin e ngelur dhe e rrahim për disa minuta. Shtojmë më pas vezët derisa të arrijmë një shkumë. Shtojmë qumështin dhe me pas hedhim miellin pjesë pjesë. Në fund shtojmë edhe vaniljen dhe masa është gati.
- Hedhim me kujdes brumin e përgatitur në enën me pjeshkat e karamelizuara. Enën me ëmbëlsirën me pjeshke e vendosim në furre të nxehur më parë në temperaturën 200 gradë. Ëmbëlsirën e lemë të piqet për gati 25 minuta.
- E heqim nga furra dhe e lëmë të ftohet. Ëmbëlsirën me pjeshkë e shërbejmë të kthyer me karamelin sipër dhe e presim në feta.
Receta për krostate me pjeshke
Ju bëftë mirë nga Artigatimit.com
