Komposto dardhe e përgatitur në shtëpi dhe pa konservant na mundëson të shijomë ketë frutë ndryshe dhe gjatë gjithë vitit. Përgatitja e kësaj recete është shumë e thjeshtë por për një rezultat të kënaqshëm ju rekomandojmë të përdorni dardha të forta të llojit Kaiser ose Conference.
Komposto Dardhe
Sasia: 4 vazo
Kalori: 169kcal
Përbërësit
- 500 gr dardha
- 200 gr sheqer
- 500 ml ujë
- lëngu i një limoni
- vanilje
- yll anise
- fara karafili
Përgatitja
- Fillojmë përgatitjen e komposto dardhe duke hedhur ujë në një enë se bashku me lëngun e gjysmë limonit. Lajmë dardhat dhe i ndajmë në mes duke hequr farat. I qërojmë dhe i vendosim në enën me ujë. Kështu vazhdojmë për të gjitha dardhat.
- Vendosim gjysmë litri ujë në zjarr së bashku me sheqerin. Pasi fillon të ziejë shtojmë lëngun e gjysmës tjetër të limonit duke filtruar farat. Hedhim edhe farat e karafilit, yllin x gjithashtu edhe shkopin e vaniljes. Më pas transferojmë edhe dardhat. I lëmë në zjarr për rreth 5 minuta.
- Komposto dardhës është pothuajse gati, ngelet të transferojmë frutat në vazo. Shpërndajmë frutat në mënyrë të barabartë dhe i mbushim me shurup rreth 2 cm nën bordin e vazos. I mbyllim hermetikisht dhe vazhdojmë më sterilizimin.
- I vendosim vazot në një enë duke shtruar një rrobe poshtë dhe e mbushim me ujë derisa te mbulohen komplet. E vendosim në zjarr për rreth 30 minuta. I heqim dhe i lëmë të ftohen. Në këtë mënyrë komposto dardhe do të ruaj vlerat dhe shijen për një kohë të gjatë.
Ruajmë vazot me komposto në një vend te thatë dhe të erret.
Nëse ju pëlqejnë dardhat ju rekomandojmë të lexoni edhe recetën për lëng dardhe dhe të ndiqni videon ashtu.
