Në ditët e nxehta një lëpirëse me luleshtrydhe është ideale për të shuar etjen. Këto lëpirëse me fruta janë ideale dhe për fëmijët.
Lëpirëse me luleshtrydhe
Sasia: 4 persona
Kalori: 91kcal
Përbërësit
- 200 gr luleshtrydhe
- 50 ml ujë
- 30 gr sheqer
- 1 kokërr limoni
Përgatitja
- Pastrojmë mirë luleshtrydhet, i lajmë në ujë të rrjedhshëm e i grijmë në pjesë të vogla. Luleshtrydhet i hedhim në një tenxhere së bashku me sheqerin dhe pak ujë e i ziejmë për gati 10 minuta në zjarr të avashëm, duke i trazuar disa herë. Hedhim lëngun e limonit.
- E heqim nga zjarri masën për lëpirëse me luleshtrydhe dhe e lemë reçelin të ftohet. Pasi ftohet heqim disa pjesë të plota dhe masën tjetër e grijmë imët me grirës me zhytje ose grirës tjetër elektrik.
- Në forma të vogla hedhim nga një lugë luleshtrydhe të plota dhe pjesën tjetër hedhim masën e grirë. Format e mbushura i futim në frigorifer në ngrirje për 4-5 orë. Pas kësaj lëpirëse me luleshtrydhe janë gati.
Recetë tjetër e ngjashme lëpirëse pjepri
Ju bëftë mirë nga artigatimit.com
