Specat me gjizë janë shumë të shijshme dhe përgatiten lehtësisht për tu ruajtur gjate dimrit. Specat janë perime që mund të përdorën në shumëllojshmëri gatimesh dhe sugjerohen të konsumohen 1 ose 2 herë në javë.
Speca me gjizë përgatitur në vazo. Kjo mënyrë e përgatitur e specave me gjizë është shumë e thjeshtë dhe në pak kohë kemi krijuar një rezervë ushqimore për dimër.
Speca me gjizë
Sasia: 4 vazo
Kalori: 230kcal
Përbërësit
- 500 gr speca jeshil
- 500 gr speca të kuq
- 1 kg gjizë
- 2-3 speca djegës
- pak majdanoz
Përgatitja
- Lajmë specat dhe i fshijmë ujin me pecetë. Heqim farat dhe i presim në rripa.
- Në vazot e sterilizuara vendosim një shtresë speca, një shtresë gjizë, duke përzier së bashku me to majdanozin dhe specat djegës sipas dëshirës.
- Kështu vazhdojmë derisa të mbushen vazot që kemi. Masën në vazo e ngjeshim mirë me lugë që midis shtresave të mos ngelet vend bosh.Më pas vazot i mbyllim fort me kapak.
- Në një tenxhere ku kemi shtruar një pecetë rreshtojmë vazot. E mbushim tenxheren me ujë sa ato të mbulohen.
- Vendosim tenxheren në zjarr të ngadalshëm dhe e lemë në zjarr 15 minuta pasi të marri valë.
- Pasi të ftohet uji heqim vazot duke i ruajtur në vend pa lagështi dhe larg dritës. Në këtë mënyrë specat ruhen për 1 vit.
Lexo gjithashtu si të përgatisni Speca gogozhare
Ju bëftë mirë!
