Kur të vete mendja për Sufllaqe përgatitur në shtëpi. Duke parë se dhe recetën për pite për sufllaqe e gjeni në faqen tonë gjithashtu me salcën tzatziki, si mendoni sikur të përgatisim këto sufllaqe kaq të shijshme në shtëpi.
Sufllaqe përgatitur në shtëpi
Sasia: 2 persona
Kalori: 360kcal
Përbërësit
- 300 gr mish derri ose pule
- 200 gr patate
- 1 kokërr domate pomodorini
- 1/2 sallator
- 1/2 qepë
- 2 lugë gjelle salcë tzatziki salcë kosi
- piper i bardhë
- rigon
- kripë
- vaj ulliri
Përgatitja
- Lajmë mishin dhe e presim në forma drejtkëndore. Sipas preferencës mund të përdorim mish derri ose mish pule, pjesën e bardhë. Mishin e kaurdisim në një enë me pak vaj ulliri.
- Pasi mishi ka marrë ngjyrën e zverdhur i shtojmë 1/2 gotë ujë, pak kripë dhe e lemë sa të mpikset uji.
- Më pas qërojmë patatet dhe i skuqim ne një enë me vaj ulliri. Domatet,sallator dhe qepë i presim në forma gjatësore. Mund të përdorim edhe pomodorini. Mbushja e sufllaqes është gati.
- Pasi janë bërë gati të gjithë përbërësit fillojmë mbushjen për sufllaqe përgatitur në shtëpi.
- Marrim piten dhe lyejmë me salcë tzatziki, sipër vendosim patatet, perimet, mishin dhe e mbështjellim në formë hinke.
- Për të mos u hapur sufllaqa e mbështjellim me letër dhe i vendosim nëpër pjata.
- Sufllaqe përgatitur në shtëpi është gati. Shoqërojeni me një pije të ftohtë.
Ju bëftë mirë!
