Tavë me bathë e kumbulla

Nerti
  • 22/10/2019
Batha, kjo bimë bishtajore është e përbërë pothuajse e gjitha nga ujë dhe në pjesë të vogla nga karbohidrate, proteina e fibra. është e pasur me kripëra minerale e vitamine të grupit B. Midis të gjitha bishtajoreve të tjera, bathët janë të vetmet që kanë më pak kalori. Receta që ne sjellim është e thjeshtë dhe me një shije të veçantë sepse është ndërthur ëmbëlsia e kokrrave të bathës së freskët me thartësinë e kumbullës.

Tavë me bathë e kumbulla

Sasia: 0

Përbërësit

  • 1 kg bathë të njoma
  • 6-7 qepë të njoma
  • 15 kokrra kumblle jeshile të tharta
  • pak vaj ulliri
  • 2 lugë salcë domate
  • 2 gjethe dafine
  • pak kripë
  • pak piper
  • 4 thelpinj hudhre
  • 4-5 gjethe borziloku

Përgatitja

  • Si fillim merrni bathët dhe i hiqni nga bishtajat. Kokrrat e bathëve vendosini në një tenxhere me ujë dhe i zieni për disa minuta. Më pas kullojini.
  • Ndërkohë në një tigan me vaj kapërdisni qepët e grira hollë. Shtoni thelpinjtë e hudhrës dhe trazojini mirë.
  • Bashkoni në to edhe salcën dhe lëreni të ziejë më zjarr të ulët. Pas kësaj bashkoni bathët e kulluara. Shtoni kripë, gjethet e dafinës e të borzilokut dhe 2 gota uji të ngrohtë.
  • Trazojini mirë dhe hidheni masën e përgatitur në një tavë. Sipër hidhni kokrrat e kumbullës të lara. Tavën piqeni në furrë të nxehtë 220°C përreth 50 minuta.
  • Pjata është gati për tu shërbyer. Kjo pjatë shërbehet e ngrohtë.

Notes

Përgatitja

Ju Bëftë Mirë!

In this article:
,,,,,,
0 Shares
WhatsApp 0
Facebook 0
Facebook Messenger 0
X (Twitter) 0
Pinterest 0
Mail 0
Post written by:
E pasionuar pas kuzhines shqiptare dhe asaj te huaj, sjell për ju përmbledhje me receta gatimi.
Follow
4 comments

  1. jddddddddfalemderit shume per keto receta te mrekullueshme rastesishte hasa ne kete web kam nje pyetje sepse une nuk jam nga Shqiperia kujt i thoni bath a eshte groshe apo dicka tjeter pasice ne fotto duket si groshe falmderit ……..

    Përgjigjiuni

  2. Bathet nuk jane groshet, jane te te njejtes familje, por bathet jane me te medha ne kokrra. Bima e bathes eshte ne ngjyre te gjelber dhe eshte e gjate rreth 25 cm. Kur jane te fresketa i gjen ne bishtaje si bizelet, mund ti gjesh eshe te thara ne ngjyre kafe dhe jane shume te forta.
    shpresoj te te kem ardhur ne ndihme.
    gjithe te mirat!

    Përgjigjiuni
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Soufflé patate

Soufflé patate mund të përgatitet edhe në vesonin me proshutë në një tavë të vetme ose në porcione teke. Le të shohim më parë versionin vegjetarian të përgatitjes së kësaj recete.
0 Shares
0
0
0

Mish me surprizë

Kjo pjatë është një pjatë e dytë, por fare mirë mund të përgatitet dhe për një aperitiv. Ju ka qëlluar ndonjëherë që të keni gatuar shumë dhe ditën tjetër nuk dini se ç'të bëni me gjithë ushqimin e mbetur? Kjo është një nga ato receta që riciklon atë që na ka mbetur në frigorifer. Ne në këtë recetë kemi përdorur rolenë e pulës, por ju fare mirë mund të vini cdo lloj mishi që keni për momentin, mund të vini në vend të proshutës sallame të ndryshëm. është një recetë e shpejtë dhe e shijshme.
0 Shares
0
0
0

Sallatë gruri

Sallata e grurit është një pjatë e freskët, ideale për stinën e verës. është një pjatë e ftohtë të cilën mund ta përgatisim edhe disa orë përpara se ta shërbejmë. Në këtë recetë ne kemi zgjedhur të përziejmë grurin me djathë, domate të freskëta e ullinj, por secili nga ju mund ta përziejë me gjithçka që dëshiron, sipas dëshirës e fantazisë suaj.
0 Shares
0
0
0