Tave balte apo tavë dheu siç mund të njihet ndrshe është një pjatë shumë e njohur në Shqipëri e jo vetëm. Mishi i pjekur në tavë prej balte merr një shije e një aromë të mrekullueshme. Në adresën e email na kanë ardhur shumë kërkesa nga lexuesit e faqes tonë për recetën e tavës së baltës. Më poshtë do të gjeni recetën e kësaj pjate të shijshme.
Tavë balte
Sasia: 4 persona
Kalori: 220kcal
Përbërësit
- 500 g mish viçi
- 1 kg qepë
- 4-5 thelpinj hudhre
- 1/2 speca
- pak vaj ulliri
- 2-3 domate të kuqe
- pak kripë piper
- 2 gjethe dafine
- pak kanellë sipas dëshirës
- 1-2 lugë gjelle uthull
- pak spec djegës
Përgatitja
- Në një tigan të madh skuqim qepën e prerë në feta, shtojmë edhe specin e prerë hollë. I kapërdisim për disa minuta derisa qepa të jetë zbutur e të ketë marrë një ngjyrë të verdhë. Më pas shtojmë edhe mishin e prerë në copa. E trazojmë me ngadalë derisa të ketë marrë ngjyrë.
- Hedhim mbi të uthullën dhe e lemë derisa ta thithë gjithë mishi.
- Ndërkohë grijmë me rende domatet dhe i hedhim mbi mish. Shtojmë erëzat me radhë, hudhrën e grirë hollë, piperin, specin djegës, gjethet e dafinës, kanellën dhe kripën.
- Mbulojmë enën me kapak dhe e lemë derisa domatja të jetë shkrirë komplet. Mishi do të jetë zbutur, (nëse shikojmë që mishi nuk është zier mirë mund të shtojmë pak brodo mishi dhe e lemë të ziejë akoma).
- Më pas hedhim masën e përgatitur në tava balte të vogla.
- Vendosim tavat në furrë të nxehur paraprakisht 250°C përreth 25 minuta. ( Do të ishte ideale nëse tavat do të piqeshin në furrë me dru, shija e tyre do të ishte e mrekullueshme).
- I shërbejmë tavat të nxehta me bukë të thekur.
Lexo recetën per Rosnica nga kuzhina shqiptare
Ju bëftë mirë nga ArtiGatimit!
16 comments
Jeni te mrekullushem,ju falenderoj per recetate kendshme qe po na tregoni.ju uroj shum suksese ne te ardhmen.;)
Faleminderit Mete!
Do ta bej se eshte shum e mire ishallame del dhe mua e mire:-):-)
Ju bëftë mirë atëher!
Nuk e kuptoj pse nuk permendet gjiza, apo eshte pa gjize?
shumë e bukur kjo gjellë
shum gjell e mir duket
Provojeni dhe na shkruani pershtypjet tuaja!!!!
Tava doli shume e mire, pjeses qe mbeti do ti shtoj gjize thjesht per te hequr kurjozitetin
Ju befte mire Valbona :)
Shum e shijshme tava dhejes. Po mundohem te gjej taven tironse me te brendshe po nuk e pash
Flm per receten, duket shume e shijshme.Me mori uria vetem duke e pare :-) Kam vetem nje gje te vogel, mos i hidhet gje edhe gjize??
Faleminderit Mira! Te gjithe perberesit shkruhen siper. Ju befte mire!
Te receta TAVE DHEHU keni harruar te permendi masen e gjizes.
Flm
me falni po me duket ka nje gabim te vogel aty thuhet 1 kg qep po nuk behet si mish me qep ne vend te taves????po gjiza nuk i hidhet???sipas mendimit tim keni gabuar recet kjo recet nuk esht per tave balte
Ka shume lloje per tave dheu, varet nga vendi ku pergatitet, kjo eshte recet e sakte dhe nuk ka gjize,
se aty ku ka gjize nuk ka speca e domate e as qepe, eshte tave tjeter. Eshte eshte qeshtje shije.