Qofte me salcë

Nerti
  • 22/10/2019
Qoftet mund të përgatiten në mënyra nga më të ndryshmet. Në këtë recetë ne i kemi sjellë me salcë domate që i bën akoma më të shijshme. Këto qofte mund të serviren si pjatë e dytë ose mund ti përdorim si salcë për makarona.

Qofte me salcë

Sasia: 0

Përbërësit

  • Përbërësit për qoftet

  • 500 gr mish viçi i grirë
  • 100 gr galetë ose tule buke e grirë
  • 2 vezë
  • 1 qepë
  • 2 thelpinj hudhre
  • pak majadanoz
  • pak piper
  • pak arrë moskat e grirë
  • pak kripë
  • 30 gr djathë parmixhan i grirë

  • Përbërësit për salcën

  • 750 ml salcë domate
  • 1 qepë
  • 1-2 thelpinj hudhre
  • 1 karrotë
  • 1 degë selinoje
  • 5-6 gjethe borziloku
  • 5-6 lugë vaj ulliri
  • pak kripë
  • pak piper

Përgatitja

  • Si fillim përgatisim qoftet. Në një enë qelqi hedhim mishin e grirë e shtojmë në të përbërësit me radhë. Në fillim shtojmë galetën ( ose tulen e bukës të grirë), më pas djathin e grirë, vezët, majdanozin e grirë hollë, pak kripë, pak piper, pak arrë moskat. Qërojmë qepën dhe hudhrën dhe i grijmë me grirësin elektrik dhe i shtojmë në enë me përbërsit e tjerë. Trazojmë mirë gjithë përbërësit derisa të arrijmë një masë homogjene.
  • Mbulojmë enën me një pecetë të pastër sipër dhe e lemë të pushojë.
  • Ndërkohë përgatisim salcën.
  • Hedhim vaj ulliri në një tigan. Shtojmë qepën e grirë shumë hollë dhe hudhrën. Me një grirës elektrik grijmë mirë karrotën e qëruar dhe selinonë. I shtojmë te tigani me qepë. I skuqim mirë. Më pas shtojmë dhe salcën e domates. I trazojmë me ngadalë. Shtojmë pak kripë e pak piper. I trazojmë përsëri dhe mbulojmë tiganin me kapak. I lemë të zienë me zjarr të ngadaltë dhe herë pas here e trazojmë.
  • Ndërkohë marrim enën me masën e përgatitur për qoftet. Marrim pak (rreth 10-15 gr) nga përbërja dhe fillojmë të bëjmë qofte të vogla të rrumbullakëta. Kur ti kemi mbaruar të gjitha i hedhim me kujdes në tiganin me salcë. Duhet të kemi kujdes që të mos ti trazojmë por duhet të lëvizim ngadalë tiganin që të mbulohen me salcë. I mbulojmë me kapak dhe i lemë kështu përreth 20 minuta ose derisa të shohim që salca është trashur plotësisht. Në fund shtojmë edhe gjethet e borzilokut. Heqim tiganin nga zjarri dhe shërbejmë qoftet të ngrohta.

Notes

Përgatitja

Ju bëftë mirë nga Arti Gatimit!

receta-gatimi-qofte-mish-i-grire-1

In this article:
,,,,,
0 Shares
WhatsApp 0
Facebook 0
Facebook Messenger 0
X (Twitter) 0
Pinterest 0
Mail 0
Post written by:
E pasionuar pas kuzhines shqiptare dhe asaj te huaj, sjell për ju përmbledhje me receta gatimi.
Follow
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Pule në tavë me Speca Gogozhare

Pula ne tave e gatuar me speca gogozhare është një pjatë shumë e shijshme. Shija majhoshe e speckave gogozhare i jep mishit të pulës një aromë e shije të veçantë. Kjo pjatë është ideale për drekat me miqtë pasi mund ta përgatisim më përpara.
0 Shares
0
0
0

Pulë në furrë me patate

Pula në furrë me patate është një nga pjatat klasike që mund të gatuhet më shpesh.Mishi i pulës është i lehtë dhe i gatuar mirë është dhe shumë i shijshëm. Kjo është një recetë shumë e thjeshtë, mjafton të vendosësh pulën të lyer me erëza në furrë. Kjo pjatë është shumë e pëlqyer edhe nga fëmijët.
0 Shares
0
0
0

Mish me surprizë

Kjo pjatë është një pjatë e dytë, por fare mirë mund të përgatitet dhe për një aperitiv. Ju ka qëlluar ndonjëherë që të keni gatuar shumë dhe ditën tjetër nuk dini se ç'të bëni me gjithë ushqimin e mbetur? Kjo është një nga ato receta që riciklon atë që na ka mbetur në frigorifer. Ne në këtë recetë kemi përdorur rolenë e pulës, por ju fare mirë mund të vini cdo lloj mishi që keni për momentin, mund të vini në vend të proshutës sallame të ndryshëm. është një recetë e shpejtë dhe e shijshme.
0 Shares
0
0
0

Role viçi e mbushur

Mishi i viçit i bërë role dhe i mbushur me feta proshute, djathë e salçiçe është pa dyshim një pjatë e pasur dhe e shijshme. është ideale për një darkë me miqtë të cilët padyshim do të ngelen të kënaqur nga shija e këtij gatimi.
0 Shares
0
0
0

Brinjë derri në furrë me patate

Brinjë derri në furrë me patate është një nga ato pjata që duhen provuar patjetër. Përveçse e shijshme është dhe e shpejtë në përgatitje. Mjafton ti fusësh në tavë gjithë përbërësit dhe rezultati është mëse i kënaqshëm. Zakonisht unë këtë pjatë e përgatis në ditët e ftohta, të shoqëruar me një gotë vere të kuqe të mirë, por gjithsecili është i lirë ta përgatisë kur të dojë.
0 Shares
0
0
0