Couscous me perime

Nerti
  • 22/10/2019
Couscous me perime është një pjatë e njohur mesdhetare, me origjinë nga Afrika e Veriut. Kjo është një recetë e lehtë dhe e shijshme.

Couscous me perime

Sasia: 0

Përbërësit

  • Përbërësit për couscous

  • 250 gr couscous
  • 260 ml ujë
  • 2 lugë vaj ulliri

  • Përbërësit për salcën me perime

  • 1 qepë e njomë
  • 1 karotë
  • 1 kungull
  • 1 patëllxhan
  • 3-4 lule brokoli
  • 1 degë selinoje
  • 9-10 domate të vogla
  • 4 lugë gjelle vaj ulliri
  • 2 thelpinj hudhre
  • pak kripë
  • 1 spec djegës nëse e gatuani për fëmijët mos e shtoni
  • 2-3 gjethe borziloku

Përgatitja

  • Si fillim marrim patëllxhanin dhe pasi e kemi larë, e presim në copa, e vendosim në një kullojëse me pak kripë sipër. Në këtë mënyrë i heqim hidhërimin që ka.
  • Marrim një enë qelqi të madhe dhe hedhim në të couscous. Shtojmë ngadalë ujin e nxehtë. E trazojmë me lugë e më pas e mbulojmë me kapak në mënyrë që të thithë gjithë ujin couscousi.

  • Ndërkohë përgatisim salcën.

  • Lajmë e presim perimet në copa, presim karrotën, selinonë, kungullin, domatet. Grijmë edhe qepën hollë.
  • Hedhim vaj ulliri në tigan dhe shtojmë qepën e grirë. Shtojmë hudhrën e prerë hollë. I kavërdisim për pak minuta derisa të zbuten e më pas shtojmë perimet me radhë, në fillim selinonë e karrotën, e më pas brokolin, kungullin e patëllxhanin. I trazojmë së bashku. Në fund shtojmë edhe domatet dhe specin djegës. I hedhim pak kripë dhe i pjekim përreth 10 minuta derisa të jenë zbutur perimet. Në fund, pasi kemi fikur zjarrin, hedhim edhe gjethet e borzilokut.
  • Marrim enën ku kemi hedhur couscous dhe me anë të një piruni e trazojmë mirë derisa të mos ketë më kokrriza. Shtojmë edhe vajin e ullirit dhe e trazojmë përsëri. Hedhim dhe perimet sipër dhe e përziejmë ose hedhim couscous në pjata e më pas shtojmë perimet mbi të.
  • Servirim couscous direkt ose mund ta ruajmë në frigorifer për ta servirur një ditë më pas.

Notes

receta-gatimi-cous-cous-arabike-vegjetarjane-d

Përgatitja e Couscous

Mbetet i shijshëm edhe i ftohtë.

Ju bëftë mirë nga ArtiGatimit!

receta-gatimi-cous-cous-arabike-vegjetarjane-b

receta-gatimi-cous-cous-arabike-vegjetarjane-c

In this article:
,,,,
0 Shares
WhatsApp 0
Facebook 0
Facebook Messenger 0
X (Twitter) 0
Pinterest 0
Mail 0
Post written by:
E pasionuar pas kuzhines shqiptare dhe asaj te huaj, sjell për ju përmbledhje me receta gatimi.
Follow
2 comments
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Tavë me bathë e kumbulla

Batha, kjo bimë bishtajore është e përbërë pothuajse e gjitha nga ujë dhe në pjesë të vogla nga karbohidrate, proteina e fibra. është e pasur me kripëra minerale e vitamine të grupit B. Midis të gjitha bishtajoreve të tjera, bathët janë të vetmet që kanë më pak kalori. Receta që ne sjellim është e thjeshtë dhe me një shije të veçantë sepse është ndërthur ëmbëlsia e kokrrave të bathës së freskët me thartësinë e kumbullës.
0 Shares
0
0
0

Rizoto me lakër dhe djathë gorgonzola

Rizoto me djathë gorgonzola e lakër të bardhë dhe me një pluhur kanelle sipër është një pjatë e parë shumë e shijshme dhe e veçantë. Shija e fortë e djathit gorgonzola bashkohet me atë të kanellës dhe të lakrës së bardhë dhe na jep këtë pjatë fantastike.
0 Shares
0
0
0

Supë krem me lulelakër

Supa me lulelakër është një pjatë e parë e shijshme, e lehtë dhe e shëndetshme. Lulelakra është një perime tipike e stinës së ftohtë të dimrit. Me të mund të përgatisim shumë receta të shijshme. Në këtë recetë ne e kemi përgatitur supë krem e cila është shumë e mirë edhe për fëmijët.
0 Shares
0
0
0

Noodles – Makarona Orizi me Perime

Noodles është emri i makaronave të gjata tipike i kuzhinës aziatike e orientale. Janë pak a shumë të ngjashëm me makaronat spageti por 'noodles' janë me përbërje të ndryshme si psh. prej soje ose orizi. Në këtë recetë ne përgatisim noodles orizi me perime. është një pjatë e shijshme që këshillohet të hahet me shkopinj.
0 Shares
0
0
0

Byrek i mbushur në formë lule

Receta e këtij byreku na ka ardhur nga një lexuese e rregullt e faqes tonë, Edona të cilën e falenderojmë. është me të vërtetë një byrek jo vetëm i shijshëm por edhe i bukur në pamje. Mund ta shërbejmë mbasdite për fëmijët ose për një aperitiv me miqtë. Jam e sigurt që të gjithë do të ngelen të kënaqur nga ky byrek. Në këtë rast ne e kemi mbushur me djathë e gjizë, por gjithsecili mund ta mbush sipas dëshirës e fantazisë.
0 Shares
0
0
0