Konkursi Gatimit
1 koment

Specka të mbushura me kërpudha, bakon dhe djath

food-contest-arti-gatimit-receta-konkurs-dhurata-speca-recipe

Receta e dërguar nga Anita Xh. dhe e vlefshme për Konkursin e Gatimit. Specka të mbushura me kërpudha, bakon dhe djath kaçkavall në furrë.

Përbërësit për Specka të mbushura me kërpudha, bakon dhe djath


  • 12 specka mesatare për mbushje

  • 400 gr kërpudha konservë

  • 350 gr bakon (mish derri i tymosur i prerë në feta të holla)

  • 350 gr djath kaçkavall të grirë

  • 8 feta djath të verdhë për tost (sipas dëshirës)

  • 1 kokërr qepë

  • 4 specka të kuqe të gjata

  • 4 specka jeshile të gjata

  • pak vaj

  • pak kripë

  • pak piper

  • pak ujë


Përgatitja

food-contest-arti-gatimit-receta-konkurs-dhurata-speca-2

Pasi i kemi larë speckat dhe i kemi fshirë u presim kapakun sipër dhe nga kapaku pastrojmë farat.
Grijmë 4 speckat e kuqe dhe jeshile që i kemi për mbushje në copa të vogla, gjithashtu edhe bakon dhe kërpudhat i presim në copa të vogla. Në një tigan ose tenxhere, hedhim pak vaj dhe skuqim qepën, speckat e grira, kërpudhat dhe bakon (copat e mishit të tymosur). U shtojmë pak kripë dhe piper. Pasi i kemi skuqur fillojmë mbushjen.
I vendosim speckat e mbushjes në një tepsi ose pirex që e kemi lyer me vaj. Në fillim hedhim hedhim në çdo speck pak djath të grirë, pastaj mbushjen e përgatitur dhe sipër përsëri pak djath të grirë. I mbulojmë nëse na pëlqen me fetat e djathit që përdorim për tost dhe u vendosim kapakun e speckave sipër. U hedhim pak vaj nga sipër dhe gjysëm gote ujë dhe i pjekim në furrë të ngrohur në 220 gradë. I shohim gjatë pjekjes nëse e kanë pirë ujin dhe u shtojmë pak ujë akoma që të mos na digjet tepsia. Pasi speckat kanë marrë ngjyrë dhe janë zbutur nga pjekja fikim furrën.

Ju bëftë mirë dhe mos harroni të votoni për këtë recetë duke klikuar mbi butoni “Like”

1 Comment

Lini një Përgjigje

Your email address will not be published. Required fields are marked *


Komento nga Facebook!

Shkruani komentin tuaj - Komente